YO~不祥預感準左, 仍然係100%既準確
今日英文堂比miss點中答問題......唔識
我格離位既答案都係錯....因為我係講佢既答案
而我自己果個更加唔洗講啦^^
但至衰我格離位係抄佢後面果位.....善穎姐~
善穎姐既答案都錯....冇野好講~~
不過一直企係度......冇咩所謂, 好采我一早有預感
將 心靈受創程度 減至最低
但係放學都係要去順利圖書館, 治療一下.....太 hurt 啦T.T

天日要背默同讀默呢~~我溫都未溫....之前本書漏左係學校
星期六日白過....好采今日冇功課
但係一對住d英國老鼠....頭都痛=.=真係唔想溫

頭暈暈@@又係一日冇出過街既後遺症=.=
早知今日我唔想出街既話, 琴日就唔咁快睇左一本小說啦
一本小說睇第二次就會冇左果隻味道嫁啦, 而且仲係偵探小說....
點睇多次呀....借果兩本都係偵探小說, 打死我都唔睇第二次

唉~天日呀, 又係好似平時咁返學放學
平凡不過的日子呢~好悶呀>.<

岩岩沖涼, 見到塊面比蚊叮....仲有血出黎
都唔知邊隻蚊咁可惡, 好叮唔叮, 叮正左邊面
1. 天日仲要返學嫁 (望天日唔好仲有血啦, 唔係要搵膠布=.=)
2. 隻蚊真係識搵野食, 邊度都唔叮, 一定要係塊面囉
3. 都唔知佢係咪作死, 食野都唔好係女仔塊面到食啦
天日呀, 唔好比我見到有血呀~.~''唉...悶死啦

最近部機唔知點解關唔到, 而家又開到, 神神地....
呢幾日...唉~我睇死vincent同joanna分手嫁啦
vincent鐘意左第二個 (聽d人講, 個個都係咁講)
joanna想同佢講分手, 佢又拖泥帶水....今次連呀dad
vincent既兄弟, 都幫我地^^
但係人地d野都唔唔好理咁多, 果次我差d想打爛個窗捉vincent出黎
但係好多人望住.....唔敢太衝動, 而且joanna又喊緊.......

呢件事, 搞到我同呀譚都以為dad唔理我地...
但同佢sms完.....又開心哂~
我 "dad~你會唔會唔理我地嫁?>^<'感覺到你對我地...cool左, 唔好問點解, 感覺姐~"
佢 "唔會!唔會!唔會!永遠唔會唔理你同譚~除非你同譚唔想比我理~否則我係唔會唔理你地"
嗚~dad, 鍚哂你呀>.<(唔知點解我覺得自己好似好易比人氹咁=.=')

今日同呀譚...藍田→淘大→秀茂坪    行左一次
好累呀, 只係同dad sd左個sms比佢.....我同譚係淘大坐車去秀茂坪
dad話"我係九龍灣"..姐係牛頭角..姐係淘大商場格離..姐係機舖..打緊機
真係可惡, 做咩咁快走人喎=.=....果間野我去過兩次嫁
再去多次望多眼又唔係好耐~真係丫....激氣>3<

今日成日都好~眼訓.....唔通仲未退燒....
唔會既~今日我都仲識起身
但係今日上咩堂都係咁累,
eng, chi, 我係度釣魚, 跟住無啦啦比miss叫名
一個叫我讀野, 一個話我作文作得好....
真係嚇死, 我以為佢地鬧我叫我唔好訓
食完飯既DT堂, 真係唔得, 好想訓
呀sir寫黑板我就訓教, 佢寫完又要抄精神
真係好眼訓, 搞到我要係咁抄磋眼
眼訓呀>.<

天氣又凍, 訓教的確係最好既運動^^
係屋企我係咁打乞嚏, 返學又冇野
屋企頭暈暈, 係學校就冇咩野, 四係個頭熱熱地
想唔返學都唔得, 次次病果日都係假期
感覺上好似比個天玩緊=.=唉~

今日好唔舒服=.=...可能係天氣突然間咁凍啦....
身體仲未適應到, 上午就頭暈暈, 訓教(好采唔洗返學^^)
下午好返d, 呀譚叫左我一齊去圖書館同秀茂坪...

去到秀茂坪既惠康, 一入到去, 見到panda...(初頭以為見鬼)
段尾又見到timmy仔, 馬馬, 祥哥同善穎姐~.....真係黑...又見到熟人
timmy仔同祥哥, 住秀茂坪, 唔理
但係panda, 馬馬都唔係住果度, 點解佢地會係果度呢?
善穎~最好奇係佢, 點解佢會果4個男仔一齊既呢....=v=
都係算啦, 人地既野, 我最好唔好理, 講返轉頭
如果我唔係要幫黃思雅買野食, 我都唔會去....
timmy見到我就身痕啦, 係咁講野激我, 我唔係好想跑
但係又好想打佢, 追左一陣, 個頭又有d暈, 放過佢
打比黃思雅, 佢又話一定要買, 冇計, 得佢地5個走左班買....

 返到屋企, 個頭又開始暈啦, 真係頂唔順
我功課又未做, 書又未溫, 唔好呢個時候玩野啦~
功課唔做唔得, 書就可以唔溫.....天日mat測驗
我溫唔同唔溫一樣, 都係第尾果幾個, 唔溫仲可以留d時間休下息
天氣好凍呀>.<頭又暈, 手又硬, 面又凍......(乞嚏~')