放假第1日::同班去mk行街街,行到腰好痛!仲撞到陳鎧琪佢地!!
放假第2日::在家中發呆
放假第3日::趙小妹一早打來叫我同陳小妹陪佢去mk拎回鄉證!!佢張回鄉證張相比我笑左好耐!
又係去旺中行,之後趙小妹去我屋企過晚!!
放假第4日::起身已經係下午啦,之後去椰林閣食午飯!!趙小妹請客,多謝晒!!
晚上去左行花市,花市都無野行!跟住去左食糖水,我超怪食豆腐花仲加左4粒湯圓!!
我竟然食豆腐花都哽親,趙小妹同陳小妹係咁係到笑我!!
返到去係到執衫,因為30晚係大圍訓一晚,之後返大陸!!
執衫個時唔小心撞到隻手箊晒,痛死我啦!!
放假第5日::起身食左午餐後,陳小妹同陳老豆就去左洗白白,之後區大哥開車來戴佢地入大圍!!
我就好乖咁係屋企洗衫,洗碗,掃地等陳老媽放工一齊去大圍!!
(洗衫,洗碗,掃地係08年第一次做,也係08年最後一次)
陳老媽6點返到,我係咁吹佢快d,6點半就出左門口啦!!
一路坐地鐵係咁向陳老媽撒嬌同佢傾計,佢真係好小朋友,要我哄佢!!
一年中無咩時間好似個日咁同佢傾計,因為佢忙時,我又忙!!
成日罵你,事實你好煩又好無聊好似小朋友咁,但我好愛陳老媽你的!!
食飯個時好好笑,陳小妹整估陳老媽,搞到區大哥笑到哽親!!
仲將我食豆腐花哽親個件事相提並論,陳細姑仲話"個豆腐一定好硬!!"
之後食完飯,我地就打牌,大姑丈幫陳大姑睇牌,趙小妹就話"有無搞錯有人幫你睇"
陳小妹話"你快d嫁個老公咪有人幫你睇!"
係陳細始屋企打地鋪,訓之前扭親個'膝頭哥',痛到喊!!行到痛!!><慘聽日點算!!
|
