今日係海洋公園之日,秘密行動,約咗敏欣,志豐,natnat去海洋公園玩,當係同志豐farewell啦~~~
為了唔會惹起公憤,我地唯有秘密地計劃啦~~~
一朝早起身,不過我整lee整lo,都遲咗出門口,haha~~~當然我係遲到架!!!
但可惡既陳敏欣竟然準時!!!都實在太可惡喇!!!平時返崇拜都唔見佢咁準時呀!!!哼!!!
跟住我地集齊人,係我地既起點,7-11 take a photo,作為我地一日遊既紀念就出發喇~~~
首先係去金鐘mcdonald to have a rich breakfast!!!正!!!嗰度係落地大玻璃對住添馬艦環球嘉年華架囉!!!超好景!!!
白痴完一輪,食飽飽,我地就向住海洋公園踏進多步喇~
搭巴士,影咗陣相,話咁就到了,我地決定由榕樹灣後門玩起先,白痴既陳志豐...佢幫滑浪飛船改咗個爛名--->水上樂園...
陳志豐呀...水上樂園...係泰國呀...你都係叫陳敏"娣"帶你去啦...我地今次去海洋公園真係幫唔到你...
一開始,拍咗好多片呀!!!我因間就會post上you tube的了,等下呀!!!
沿路上,我地向xx太空船(唔記得咩名)進攻,不過lee個唔係好好玩,我地玩咗一次而已...
跟住就去志豐所謂既"水上樂園"喇!!!玩咗一次...我係被屈地坐咗前面架...出事喇咁就...我係由頭濕到落腳趾尾架...救命...成班變態仔...玩咗一次未夠喉,仲玩多次添...第二次,我唔再咁笨喇...死都唔坐第一個!!!不過佢衝落去嗰下真係好正!!!!!!!
玩完lee個我地就去玩越礦飛車喇!!!其實真係無嘢架噃!!!無瘋狂過山車咁激添呀...點知...lee個陳志豐同natalie,死lur話唔玩喎~!!!!!!!!!可惡!!!!!俾咗152蚊入黎點可以唔玩哂佢架!?!?!?!?!?蝕哂架咁會!!!不斷慫恿,以退為進底下,佢地兩個最終都俾我同敏娣逼咗上車~~~呵呵呵~~~"永不回頭,永不回頭"...
落咗車,兩個都屈服了~~~haha!!!都認同係好好玩架~其實仲輕ken過舊嗰個過山車添!!!
志豐一路玩,勁低b!!!前面有個外國人,咁你知d外國人好風趣幽默又多口水架啦,人地一開始上斜時high high地講句"here we go",點知個gag王又係度跟風,全場發哂瘟,係咁爆英文,不停又"here we go, here we go","it's ok, it's ok","no problem, no problem"...我坐佢隔離,真係o哂咀...好低b呀~~~勁笑!!!狂笑!!!
同埋越礦飛車落斜個下,真係好正,離心力勁正!!!!^^最終玩咗兩次~
跟住一路上山,山上先係好多館,有海x館(唔識分海獅?海豹?海狗?= =???...又係陳敏欣d friend黎既),海洋館,鯊魚館,水母館好多哦...
見無乜人玩千秋,我地喪玩千秋,敏欣志豐佢地玩咗三次呀!!!我同natnat就玩咗兩次~正!
然後就去食lunch喇...都幾鬼貴...40蚊一個雞餐...又貴又唔好味...都叫食得飽人既...
食過後,我地繼續我地拆機動遊戲既任務!!!首先係摩天輪,我想玩,我黎過海洋公園好似有...6次定唔知7次,但一次都未坐過摩天輪架...次次都因為唔夠時間又太多人排,於是退而求其次玩其他刺激的!!!今次玩到真好~~~但其實除咗好view,好feel之外,都無乜特別既...陳志豐...你唔好話我知你依家都仲未識唱cell歌...劈死你...
跟住我地就去咗玩瘋狂過山車喇,因為有好多"豉油行",排摩天輪,過山車,我地都排咗15分鐘呀~之前個d都唔洗排咁濟...
lee個時候,我就撞到黎志玲喇~~~成班預科同學仔~~~其實佢地都有叫我一齊去架,不過因為約咗志豐先,所以就推咗了,不過其實都會撞到架啫,所以無所謂啦~~~打過下招呼,佢地玩完後又各散東西了...
我地繼續排過山車...突然間...敏欣前面個豉油放出一聲巨響...救命...點解可以當街當巷放屁架呢....unbelievable真係...
玩過山車,我地都玩咗兩次,超正!!!natnat都留下了一滴口水係個安全扣度...haha...唔知係咪要到此一遊呢~~~
跟住我地就去玩海盜船了...查實,我每次玩海盜船都係坐最出的...從來未試過坐中間個幾行...因為最出係最刺激的!!!...點知,今次陳敏茜都唔同我癲了...佢都驚,於是乎唯有齊齊坐中間...... =="
玩過一次,大家開始向難度挑戰了!!!好呀!!!於是又再坐出d~~~我都話出d好玩d架啦~~~haha~~~
玩過兩次過山車,我地就向最恐怖既跳樓機出發喇~~~lee個我真係未玩過!!!我都有d熬~~~不過熬還熬~熬我都要克服佢~~~呵呵呵~that's me!!!natnat臨到時又開始發瘟想退縮了,haha~今次我唔逼佢了~不過我玩佢唔玩,又無癮既~咁既然明知無癮,就硬住頭皮死就死啦~~~或許係炬人夠膽死時遺傳落黎既性格!!!我好夠膽死架!!!臨死時,乜嘢都懷住硬住頭皮撐過就ok的了的心情面對!!!犯錯時如此,放榜時如此,interview時如此,比賽時如此,當然玩也是如此!
跳樓機!!!真係好正呀!!!!救命!!!!!!!!!!!!!!!!!!!!!!!!!!
上到去勁高!!!我超驚!!!一路心噗噗,噗噗咁跳,諗緊幾時跌落黎...點知...嘩..............
係我來不及反應時,已經跌落黎了!!!!!!!!!!!!!超正!!!!!!!!!第一次玩的感覺!!!!!!!!!!!!!!!
我狂笑,大笑,爆笑了出來!!!!!!!!!!!!!!!!!唔識嗌,淨係識笑咋!!!!!!!!!!!!!!!!!!!!!!!!超刺激,真係癲咗............
原本諗住玩多轉,不過,我地玩完之後就多人了...於是就去玩埋個飛鷹先...
不過飛鷹真係好碎料...我全程攤咗係度,郁都無郁過,無扶過任何嘢,由佢fig我算了,玩到lee度,我都開始攰了~~~
最後玩跳樓機不逐,唯有轉移目標玩多次海盜船啦~今次我地終於都坐到最出了!!!超正,其實玩海盜船我都好驚個離心力的,因為真係好似成個人要被拋出去咁濟,不過今次玩發覺企埋起身,反而離心力無咁勁,又無咁驚喎!!!!!!
玩過後,我地就開始搭返覽車去返正門,趕住玩超動感影院!!!
依...不過,都無想像中咁正既~仲要,臨尾佢射水個下,我o咗咀,中哂入個咀度囉...好...核突...
最後一役,我地去咗探panda呢~~~haha~~~我次次去親佢唔係訓覺就係喱埋咗架喎!!!今次好幸運,撞啱佢出黎覓食,仲捕捉到佢疴屎既一刻!嘩!!!佢疴d屎,真係呢...從d屎碌落山既整個過程,動作,我絕對有理由相信,佢舊屎d texture一定係成舊石咁!!!!!!!正!!!!!!!
就係咁...我地海洋公園一日遊就此完結了...多謝哂~正!享受!回味!
不過玩完一日,真係好鬼攰呢...第二日就考中文,我未溫咁濟...不過要返讚美添呀!幾好呀~雖然好攰,不過仍然好投入,享受敬拜神時的同在...
陳吉昌同游波波,唔專心,俾ellen揭發了...真低b~~~ |
