突然好想打波.
突然好想...好想飛去台灣.

今日有點眼訓,因為擒晚又訓得唔好了,今日仲要返全日學~但唔知係咪今朝飲咗鴛鴦,dinner又飲咗中國茶...雖然好攰...但眼睛一點睡意也沒有...怎麼搞...虐待...
今晚natnat問了我好幾次幾時睡了...不過我就係訓唔到喇~本來諗住整唔到段mp3就去訓,不過都係毫無睡意,一直到依家都未訓得著...好彩聽日唔洗返早~
投先,re崇拜...ellen話,可以再有多一點自己既風格,呼...style嘛,由錄建堂少年新一代到依家揣摩了兩年多,仍未到家,好想快d成形,但又急不來...進步中,尋找中...希望唱出一種屬於我獨有既風格~
本來19號晚香港有個acappella既concert,ellen諗住date埋一齊去睇,不過因為家姐個日結婚既關係,最終都要擱置,無得去......真掃興......呀!!!!!!!!!!聞說好似人地黎香港開一場咋...可惡...蝕了...>.<...

同吹水傾咗陣msn~^^~佢又大吐苦水了~
人嘛,就係咁複雜了...甚麼是真,甚麼是假,以真亂假,以假亂真...有時人是能看得好清,好徹底,"直在其中"

"用禱告改變世界"嘛...
也對,不然又走到心靈枯乾,軟弱無力的境地了...

突然好想痛痛快快打一場波.好想出一身汗.
突然好想有種虛脫的感覺.

今朝一早返9:10,因為擒晚太攰既關係,d碗今朝六點幾先起身洗返...= =...so disgusting!!!洗完見仲有時間,繼續訓多陣...點知一訓就訓到7:45...大鑊,又要匆匆忙忙咁返學了!

擒日話說搭地鐵,我上個架車卡有一個行動不便需要柺仗撐扶既伯伯,心想上到車佢一定要有位坐呢,不然就好辛苦了...
但星期日下晝時間,搭地鐵既人都特別多...但好可惡既係,竟然無人肯讓座俾個伯伯...一開車,我就見佢震哂咁扶住碌柱,令我好不憤!...
有d見到當視而不見,有d不問世事的樣子,咩都唔理...車廂中大大隻字寫住"讓座給有需要人士,你做得到"...
雖然我好火,不過又好大掙扎好無叫人讓一讓座好呢...見到有個較年輕既女人,低下頭,一副憂鬱其他甚麼都不關己事既樣子,我有少少遷怒於她,頭一個站我不斷"啤"緊佢,希望俾d壓力佢吧,過咗第一個站,心入面打完仗了,終於鼓起勇氣,友善地問嗰個女仔可唔可以讓座俾個位老伯伯,雖然我心入面係好唔滿意,點解唔可以睜眼關顧多點周圍的東西,keep an eye open for others?!...
不過個女仔既反應,好平和,我估佢都係善良既人,只不過佢真係太著眼於自己立足之處,其他的甚麼也看不到,我想若果佢稍抬一抬頭,可能都會即刻讓座...等伯伯坐低後...我同佢都有d尷尬,佢尷尬可能係要有人提問先讓出座位,我尷尬就係因為好似落咗佢面咁...唉...
可我真係忍唔住呢!

今日上文學堂,杜斯妥耶夫斯基既"罪與罰"...我掂都未得閒掂,佢今日就要討論了...有點無奈...不過從整整三堂分析,人犯罪的心理的確好複雜,係人最醜陋的地方,亦係人最軟弱既地方,老師最後用一句說話總結了所謂救贖的真義,就是...用苦難承擔苦難...犯罪的人苦難來自於良心的責備,心靈的掙扎,這種苦難唯有在遇上曾經經歷過苦難,擁有具大同理心之下才能被釋放,贖罪正正等於被體諒,被明白,也只有受過苦難的人才能深徹體會,憐憫,知道軟弱的人的底蘊...因此是"以苦難承擔苦難"...
和主耶穌的救贖不是一樣嗎?! 文學帶出的人生是很有張力,吸引力的~^^...這幾堂又令我大開眼界了!

晏晝食過飯到library,先去用電腦打咗陣日記,跟住諗住訓一陣就開始睇"罪與罰"...點知....我一睡....
就訓到4點45先起身!
但黎緊一堂就正正係4:35要上堂!今日仲要睇套80年代既film叫"野孩子"...到我趕到去hall既時候,已經錯過了片頭呢...= ="...真白痴...係lib訓咗成兩個幾鐘,真係史無前例...

完咗,同個同學仔一齊行落去鰂魚涌...原本諗住自己一個欣賞下夜景都幾正的...不過俾佢發現咗我想行路落山後,佢就同我一齊行了,因為初相識,我也不好意思拒絕了!好似會好odd咁...^^"
因為natnat想買禮物俾cindy,所以就相約去apm了,因為佢要繼續開長達六小時既會,於是我上咗最頂層既kubrick睇書~
就係我睇緊一本關於拍野孩子既導演杜魯福既紀錄冊時,natnat就到了~也因此,等下次去apm時先再睇吧!
apm果然係多d耳環睇既~最後係ans買咗一對,我諗都幾襯cindy~行到九點半度,我地就過去裕民坊食嘢了!
一定要介紹間豆漿店!!!d豆漿簡直滑到不得了!!!甜味又適中!!!熱豆漿加埋油炸鬼一齊食!!!正到極點!!!係我飲過最正既豆漿~~~
d豆腐花又係一樣咁滑~不過我今日都係第一次試咋~好味!同傻nat一齊食,特別開心~分甘同味,莫過於此~

食完行咗一段路就各散東西了,返到屋企以為有飯食,點知見房窗閂咗,先醒起...老媽子今日返咗大陸...oh...唯有餓一晚吧~^^
今晚仲要背普通話課文~同埋呢~整拿手既卡仔給我摯愛的fa~~~^^

聖靈啊　求祢來　我軟弱　祢明白
我無言　祢歎息　親自為我代求
祢鋻察我的心　使我走在屬神旨意
祢醫治我的靈　使我生命再次絢麗

*啊∼我心不停讚美
  啊∼我靈不住稱謝
  一宿雖有哭泣　早晨必歡呼
  祢的恩典是一生之久 x2

第一次聽lee首歌係喺考完AL後第一次同工祈禱會上...
今日家祈禱會,聽到lee首歌,個melody真係好舒服呢...而且人地作d歌真係非同凡響,我覺得同本地,甚或永光自己創作既詩歌都好唔同...唱上口,d歌詞真係融咗落段melody度,唱起來有種無辦法唔謙卑落黎呼求既力量係度...好犀利!所以真係好唔同...
好好聽!

祈禱會最後有一環節,係感謝導師助導既環節...
我好感動...因為望到好多被牧養過,陪住佢地成長既小羊站到出面,有d係上年大熊cell的小羊,有d係今年new牙小羊...望住佢地真摯既面孔,心裡真有說不出的感動,好可惡的一個催淚環節!小羊們有d其實我真係同佢地相處得好少時間,有些牧養咗1年都未夠就分cell了,我還覺得自己有好多虧欠,雖然有些小羊相隔好遠,感覺關係仍是那麼近...當看著你地...noel講得好啱,小羊你們的成長,蛻變,也就帶給我更努力向前的動力...一個真摯的眼神和我接上,就覺得與你仍有緊密的聯繫了...多謝小羊.
師徒的關係好微妙,其實也提醒我,這也是我要替以前牧養過我的導師助導加油既時候,越在上既領袖就越是孤單...
到最後,看到所有家員站立到台前,也帶著一絲感觸,有一個面孔都不見了......紮心的感覺油然而生.

完咗家祈,一心諗住可以同小羊食埋飯先走,因為原本話約3點幾先同媽媽慶生,點知打一打俾阿媽,先知原來改咗1點...即刻飆過去九龍城...食泰國嘢!d冬陰功湯辣到我痴咗線!!!即係倒咗去,lee個禮拜要錫住把聲先得!!!唔係就會出事喇...= ="...唔...我都係鍾意食越南嘢多d~^^
食完掙扎緊好無走先,返永光join團會呢?!...但到後尾諗諗下,老媽子生日,陪多陣啦...若果唔係又會失見証了...於是陪佢地去太子一趟fitting...等阿媽試完衫,返屋企,咁我就返返永光join cell聚喇~

返到去...團會啱啱完咗...可惡既同工小羊...一踏足永光行上38唔夠5分鐘,足足有四五個人同我講同一番說話..."唉吔,投先團會無咗你,若果唔係就可以再變態d,開心d喇!"...oh......被定形了!...

之後點都同cell靈埋個修,今次係natnat帶~班死嘢,個個見到舊約就死哂!舊約先係正嘢呀!
同埋分享既氣氛呢...我諗真係要靈多d修,釀返出黎~

散咗小羊後,同natnat落canteen,原本諗住買嘢飲的,跟住搞下搞下變咗同楊菁玩,同敏健panda"鍊"車~當natnat兩回敗係我手中,一山還有一山高lee個道理就出咗黎喇~我同panda"鍊"都係兩回敗咗係佢手中~
突然話要報38,嗰個咁既爛鬼場地,真係好鬼難執!比一般難執!
之後panda走咗去練波,我同natnat就又上7樓傾嘢喇~傾返開cell既主題~呀...lee個時候,我既hp已經大大降低喇...講下lee樣講下嗰樣,快快脆脆傾完(都傾到8點幾架~haha~~~)閃...

心郁郁走咗過去摩士睇波~今日陣容強勁!難得地小羊同工隊都幾齊人!!!而且終於都打全場喇!!!感覺上好多都進步了~唯獨睇拉登落場有點無奈...不過其他的都夾得幾好呀~^^獨腳戲永遠比唔上夢幻組合的好睇~
這樣的話,仰望距離羸波就不遠矣~加油呀!男人們!

由8點到11點lee幾個鐘入面,不斷被natnat虐待呀~狗屎垃圾都被冠以爛gag后句呀?!我都唔明日理萬機有咩咁好玩呢????????喺我hp偏低既情況下,無辦法同natnat有共鳴呀~ha~懶得理你了,多多包涵多多包涵,唔好介意唔好介意~~~^^~~~其實係natnat傻婆high大了~衝上傻婆巔峰狀態了.

今朝一起身,有種茫然唔知身處何時,要做乜既感覺?!

同媽媽食過早餐,就返咗永光,諗住同natnat傾嘢,不過到最後因為佢要返家攞嘢所以之後都無傾到~
咁啱屎蛋欣同小怪睇完早場好早返咗黎,就同我渡過咗個個幾鐘既時間喇~七樓library嗰個位就黎成為我倆既老地方了...= ="
聽返佢地睇戲d嘢真係好白痴!特別魏祺祺簡直就成為咗今日cell中焦點!!!哇!!!笑到我癲咗咁濟!!!!!!!!!等我遲少少再詳細交代發生咩事!?

今日又無辦法跟足哂全日cell~因為下晝要同大家姐去銅鑼灣買衫...
哦...見到好多衫呀...我都好耐無買過冬天衫了....= =...好想買...不過未有錢住..."""

夜晚,再返多趟永光,想問下panda d嘢,中途等既時候踢咗陣毽...but...我係完全無踢毽既天份...後天的都沒有...哼哼哼...

今日返工發生咗一件驚嚇的事...真係嚇死咗我了...其實只係件好小事,不過一諗起或者一講起都會令我有d陰影...

不過其實令我更加覺得,依家既細佬真係有佢地不同既問題,不同既難處...其實都幾慘...
佢地需要極大既愛心,
而我則缺乏極大既愛心,也需要更多的愛心去愛佢地了...