| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2006 年 10 月 12 日 星期四  |
田女戈火 一弓心 人 弓弓  |
分類: 未分類 |
呀...今日真係攰死了...
今日又係要返第一堂...即係9:10有堂要上....
但係呢~擒晚好夜先訓,原本仲校咗鬧鐘今朝六點幾起身諗住祈禱做家務等等,點知...完全不省人事...8點先起身!!!
於是,只能急急腳,用最快速度出門口,只要趕得切8:15前出門口,我就趕到8:55分班校車喇~~~咁所以,到最後都無遲到~~~
今日返學好開心...因為返咗四個禮拜學,終於搵到個真係真係好啱傾,志同道合既同學仔了~~~叫lucky seven,因為佢叫"5"+"2"~~~大家都鍾意文學,但揀咗理科;鍾意睇死亡筆記,網球王子;預科bio用咗...
好開心好開心~~~希望這四年都能夠成為好朋友吧~~~
之前的學校生活,除了課堂教d嘢令我好興奮外,基本上,新聞傳播學系,我差不多都無朋友咁濟...always獨來獨往的~一直都不太開心,其實我係個種,不怕寂寞,可以獨個兒生存的動物,對於陌生的人事偏向有點孤辟的人,但當走進無可避免的人群中時,又離不開有點點失落的感覺...所以之前我都不太說話的...
今天因為識到"5"+"2",開懷地說話比之前的都多了~~~
放學放1:45,因為3:00要到柴灣海星小學,於是急急腳行咗鰂魚涌搭地鐵...
呀...今日既兒童托管真係把我累垮了...d小朋友真係...好難搞......
(因為哥哥用電腦的關係,容後再續...)
|
| 2006 年 10 月 11 日 星期三 |
伴我同行  |
分類: 未分類 |
今日...我又遲到了...原因係...臨出門口前先發覺未浪衫...= ="...
返到去俾阿sir串...
唉...最唔鍾意禮拜三架喇...要用20蚊雞搭過海,上兩個幾三個鐘既吹水堂...最弊就係佢set死哂d位,我仲要坐最前,想走堂唔返都唔得...佢實知......唔...唔鍾意唔鍾意唔鍾意...
返完學,咋咋臨走,行咗落鰂魚涌,原本想同祺祺一齊返認罪的...但到最後,有d嘢未做完,返唔到住,要待在六樓整埋佢~~~
返大堂祈禱會,
每一次當為到世界其他地方代求時,心內總是翻騰不已...特別近日,世界各地都好混亂,好多戰事,內亂,飢餓,貧窮,壓榨等不公平事...
主耶穌教導我們要走進世界,使萬民作我們的門徒,見証佢...
或許我們未必有能力去平息或解決,但至少我們能夠發出"無能者的大能"---禱告...
我們有否爭取屬天的福氣,多一點悲天憫人既情懷,為世界各地的苦難多多祈禱呢?...不但要關顧教會的事,自己的事,也要多點關顧世界的事,不然怎樣告訴未信的人,上主仍然作這世界的主宰?...放眼看世界,也就是讓上主的國度以另一種形式臨到世界...
每一次如此祈禱,總會激動起來...特別為到中國祈禱...
完咗祈禱會,
一眾大板牙同工好難得能聚在一起食飯~因為平時總會少一兩個,又或者得個坐...
全因natalie好帶協,hohoho~~~遲了兩天,都祝你生日大快樂~~~
同工可以一齊慶生係好開心好開心既事哦~~~而且我想,關係,氣氛也是靠這樣一點一滴凝聚起來的~~~
仲影咗幅,"同工福"~~~正!
到最後,好想post lee首歌仔上黎~~~
近排都同過游波波同natnat分享~~~現在,我諗已經成為咗我最鍾意既歌,初時鍾意只因自己成日鑽牛角尖,諗嘢好灰,覺得lee首歌好貼切,但被馬肥良點醒過後,就唔讓自己沉醉係悲觀當中了;依家好鍾意,因為覺得信仰道路就是如此,成長未必是一件快樂事,但被上帝捏碎,雕琢再塑造一個新的,更好的自己卻是一件最有福氣,最美好,也最能得著生命力和感染力的事!...所以俾導師助導管教,雖然係苦事,但總有箇中上主要讓我經歷到的事哦<---小羊時我總是這麼想...
馬友~無可否認,我係佢長期既忠實fans!^^
伴我同行
每次我困乏遠離 祢讓我看到轉機
無論重擔重若山麓 祢伴我將它背起
每次我輕看自己 祢讓我振翅高飛
前路再難仍願意行也因祢
伴我同行經過 每段試煉或有困阻
從沒拋棄我 永在看顧我 做我隨時的幫助
伴我同行經過 窄路裏漸覺恩典更多
被祢捏碎了 又雕琢過 再造這重新的我...
信仰道路實在如此,一次又一次的艱難跨過了,看到的就是上主更大的恩典,更多的慈愛與更真的信實...
現在我最喜歡的歌~若然你想聽的話,有機會唱給你聽,與你分享!^^
p.s.今日換咗bg music了~~~換走了avril lavigne,換上我最喜歡的陳綺貞...
陳綺貞,旅行的意義
偶爾一聽,心.就很想去一趟旅行了... |
| 2006 年 10 月 10 日 星期二 |
| 基甸 |
分類: 未分類 |
今日cell聚,其實所謂既cell聚,一拖再拖拖咗成個幾禮拜都有了~~~
原本仲有少少行動要配合...不過沒有天時地利人和...做唔到,唯有只做查經.
同小羊睇士師記基甸揀三百人(或者應該話係上帝揀咗三百人)去攻打米甸人...
記得lee段嘢係小羊時,"班房裏的天空"前為咗激勵我地士氣而睇既一段經文,個時導師帶出既訊息好精彩...
今次到自己要帶小羊睇時,哈~總係覺得遜色好多,一來只揀咗其中一部份睇,二來我既能力...希望小羊都各自領受箇中意義吧~~~
面對"耶穌同你say hello",仲有十七日既時間,也係時候要攞出一份"一夫當關,萬夫莫敵"既鬥志出來吧!!!!!!!!!
不可再拖延了!!!!!
後記:
完咗後,要召集隊長,要佢地即時寫出應變策略,唔...用心一點嘛!我都需要這樣!
跟住陪埋叻叻落48練歌,見到星雅同玉清,+寶仲未走,所以留低同佢地hae下啦~
玉清個d非常特別既用語,真係笑到我爆肚!!!
外"空"人--->should be 外星人,"監獄佬"--->should be 監犯 or 監躉...= =""""...好可愛!!! |
| 2006 年 10 月 9 日 星期一 |
| 你餵養我的羊 |
分類: 未分類 |
你餵養我的羊
"我彷彿聽到主說：「假如你愛我，你餵養我的羊。
假如你真心愛我，請你遵行我的話。
假如你真心跟從我，請你付代價。
沒有又愛主，又愛瑪門這樣「兩全其美」的「折衷手法」。
沒有不努力學習聖經,卻可以到處教人聖經的「恩賜」。
沒有捷徑。
你若愛我，我知道。但請你計算清楚。
因為我走的路不是容易的。
十字架的路從來不曾輕省舒適。
你說你已撇下一切，但你有沒有真的跟從我﹖
還是，你只是走上一條你自己設計的路，以為是討我歡喜。
你卻從來不曾想想我想你怎樣。
你的耳朵從來不曾打開，聽忌我想對你說什麼。
我想你成為怎樣的人﹖
不要以為沒有你，福音就不能傳遍世界，教會就不會興旺。
不要忘了我是全能的神。
我要作的，無人可以阻擋。
不要以為你事奉我是因為我手下人手不足，要你幫忙。
我一無所缺。
你願意事奉我，我很高興。我也不會計較你的過去，你的優劣。
不要忘了你是我手所造的。
我知道你是誰。
縱然你多次背叛我、離棄我，但我仍會揀選你、信任你。
因為我已為你死。我不把你當作工具。你事奉我，是使你生命成長。
使你經歷何為豐盛的生命。
經歷我更多的恩，更多的愛。
以致你能愛別人，能餵養我的羊。來跟從我。
你的需要，我都知道。我會負責。
你愛我麼﹖你愛我比這些更深麼﹖
……
你餵養我的羊。」"
這篇文章,第一次看的時候,已經給了我很深刻很深刻的印象.
甚麼時候,我們只是以自己喜愛的方式"信耶穌"?
甚麼時候,我們總慣於走捷徑?
甚麼時候,我們口裏說著跟隨耶穌,但卻選擇走上一條,由自己一手安排設計,只按自已心意行想點就點的路?
甚麼時候,我們都習慣看自己過於所當看的,做事奉總是計著付出了多少,而從不計計我們欠了上帝多少?
甚麼時候,我們只靠自己的力量行事?
甚麼時候,我們忘記了上主對我們的愛?
又甚麼時候,我們真心的愛主耶穌?
這些天,想著很多很多的事,有自己一路信耶穌的事,有牧養小羊的事,腦海裏不斷不斷地浮現這篇文章:
真心的愛主耶穌,也就要付出代價,放下老我地愛哦...
停流在嘴唇邊的愛,總來得敷淺...
突如其來的有感而發...希望給你我一點點啟發~ |
LONG TIME NO SEE  |
分類: 未分類 |
現在身處樹仁library,禮拜一係我最喜歡既一天上課天,雖然上的是天地堂,但兩科都係我lee個sem入面最鍾意既科,朝早係文學,下晝既係cultural history of mass communication in western world,兩科都係d雖然用感性,同埋啟發思想既subject,我諗我個人都係鍾意掂d文化既嘢...於是我鍾意上elective既subject多過core的...所以除了星期一既堂同埋中文堂之外,其他日子的堂我都不想上哦...=3=...
我發覺學校既電腦係真係快好多的呢~屋企的要上qooza打日記真係慢到嘔泡,慢到load得黎時我已經唔想打了...所以唯有把握現在的時間在學校打日記吧~~~^^ |
« | 38 | 39 | 40 | 41 | 42 | 43 | 44 | 45 | 46 | 47 | »
|
