今日呢...我就同我D同學去左麗都灣玩，都幾無奈架，因為本身唔係想去li度架，但係去錯地方=3=不過算啦，都幾好玩既....

我今日瞓教之前，同我親愛既天父傾計，我好感謝天父比我喺中二既時有一個唔係幾好既經歷...因為就係li一個經歷令我成長左唔少，我之前都係一個幾口直心快既人，好容易講錯說話，而且我對朋友係毫無保留咁去付出，但原來咁樣係唔好，你同一個人感情太好，佢就傷得你最深....咁當然，我唔係話對人假啦，但係有時好人真係唔洗成日做，睇下對象係邊個啦，如果係屋企人，我就會毫無保留咁樣付出，有時對住出面既人都可以有少量既保留，我覺得咁樣識得保護自己，反而會有更多friend....

我今日好開心既原因係因為我同我哥班d同學既隔膜開始消失左，我同佢地講野哥陣，我知佢地係真心當我係朋友，尤其是我同我哥班一個同學[kenson]撘車傾計哥陣，我覺得好舒服，好似乜都可以講，感覺好好...我同佢咁岩講起愛情既問題，因為佢又咁岩失戀，所以大家都講得好興起....大家都開始覺得「單身貴族」li句說話係冇錯架...