其實,

我有唸過我既能力係只能夠到達某一個水平,

而那個水平係非常之低,

永遠都不能夠進步,

但可以退步....

呢一點我係今個禮拜二先察覺得到...

原來我一直都冇進步過,

一直都係咁差....

想用英文去表達自己,

但文法用錯哂,

想用普通話去答人問題,

口音講錯哂,

仲要口疾疾....

就連自己既母語廣東話都講得唔好!!!

我真係好冇用!!!

自己既能力係點,

自己最清楚,

能力呢D野可以提升嗎?

我唔肯定,

但我唯一肯定既係我可能花幾年既時間,

都唔能夠改善呢D問題,

可能係我唔在意去改善,

亦可能係我本身既問題....

但我好感謝有位朋友肯聽我訴苦,

佢既說話令我喊出黎,

我好感恩自己可以識到呢位朋友,

或者可能佢只係無聊吹下水,

但起碼我會覺得佢真既有聽我既說話,

朋友, 我唔多,

但真心既, 或者可能會有...

雖然我唔肯定佢地係唔係都係咁唸,

但至少我係真係當佢地係我最知心既朋友,

雖然真心唔真心好主觀,

但至少我係感受到佢地係真心既,

即使佢地唔係咁唸都冇所謂....

因為佢地係我面前做既所有野都可以俾我覺得佢地係出自真心,

咁已經足夠...

其實,

人與人之間既關係可以講話係利益關係,

至少我係咁唸...

呢幾日,

因為同自己比較相熟既朋友食飯時間唔同,

我不斷搵一些平時唔會一齊食飯既朋友去食飯....

其實唸深D,

我好似係利用佢地,

攞佢地黎做水泡...

我其實係利用佢地....

之前我都試過咁對人地,

因為自己D FD唔得閒,

所以特登去搵一些唔太熟, 但又係一個人既同學陪自己,

大家冇咩話題講,

但係都要一齊...,

為咩呢?

咪就係為左令自己冇咁寂寞, 冇咁孤獨!

唸番起, 我覺得自己好衰,

自己真係好少朋友...

而係前幾日,

一些本身冇咩野傾, 冇嘜聯絡既朋友又無端端搵起我黎,

原來係黎問我攞料...

哈!

你利用人既時候,

人地都係係度利用緊你....

只係大家唔講出口O者...

而大家一覺得對方冇任何用處既時候,

就會立即遠離大家...

可能我呢個唸法好似好負面,

但其實現實就係咁樣,

冇話咩負面咩正面,

現實不嬲都係咁殘酷.

友誼,

原來係咁脆弱,

點解我一直都冇發覺既...?

原本上學期大家都好地地,

一齊上堂, 一齊食飯,

但點解新學期一到,

大家既距離咁遠既?

我仲要唔知係咩原因會搞成咁.

係我既問題?

定係大家因為timetable 唔 match,

所以見面少左?

我真係好希望個答案係後者...

或者我可能本身個樣、性格係咁乞人憎,

只係自己不自知而已.

眼見人地身邊有好多朋友,

而自己則擁有好少朋友,

我覺得好孤獨...

自己本身係一個好沉悶既人,

唔識得點樣去討人歡心,

又唔識得點樣去講野,

可能就係呢幾點令我識得好少朋友...

咁我有冇真心既朋友呢?

我覺得佢地三個係我一生中遇到最好、最投契既朋友,

但可能我在佢地心目中係另一個位置...

你點樣睇人地,

唔等於人地都係咁睇你.

點解呢個世界所有既事都唔可以等價交換?

如果真係可以咁既話,

呢個世界會簡單多一點,

人類會少一點紛爭...