其實,

講真既,

呢個學期真係全部新面孔,

而呢個學期既頭幾日就已經令我覺得好孤獨,

我既預感真係準...

我好清楚自己唔係一個人緣極好既人,

所以我要開始學識點樣獨自一個去生活,

其他人只係你生命中一些陌路人,

最後都係要自己一個去面對...

今年既新年, 點解個氣氛咁淡薄?

就算我係百佳度做包花紙,

我都感覺唔到新年既氣氛...

就算我係期待新年既來臨,

但我只係期待O個幾日假期俾我歇歇...

人大左,

真係會覺得咩野都唔重要?

我會唔會到最後覺得自己條命都唔重要?

然而, 我而加都開始覺得活在呢個世界上有咩意義?

我為咩而讀書、做野?

為左D咩呢?

到最後咪又係一場空.

到最後係得到D野既, 但O個D野都好似係虛幻既,

講咩夢想,

成功達到又會點?

話咁快, 一個月既假期就黎過完喇...

O係呢一個月, 我做過D咩?

講真既, 我真係冇咩野做過,

可以話係HEA過....

後悔對於過去根本是沒有任何用處,

反而對於改寫未來或會有些少作用.

我而加會知道一完左考試, 如果自己唔take 任何course,

我一定要盡快去搵定一份工做.

如果唔係, 根本冇人會願意請你.

但真係好多謝百佳肯請番我去做包花紙,

D阿姨都好好人, 真係好多謝你地!!

再過多幾日, 新學期又開始喇.

我又會面對一些新既同學, 新既課題,

講真既, 我真係唔想接受新事物,

如果可以俾我揀, 我寧願同番D自己識既人一齊,

但無奈既係大部份佢地既時間表同我既好唔同,

我唸我呢個SEM可能要孤獨咁過.

可能要自己一個人食飯,

或者呢個係注定既, 冇人會願意同你走到最後,

自己既路一定係自己一人獨自承擔,

朋友家人都只係你條路既一些裝飾

呢個係遲早我要接受既事,

沒有朋友, 呢個係我既命運,

冇得我唔去接受.

其實我畢嬲都係咁冇用,

其實我畢嬲都係咁遲鈍,

又天真,

又唔靈活,

我真係好想放棄,

如果怪個世界太複雜,

倒不如話自己唔夠醒目.

難得又搵到份工,

雖然人工真係好低,

但我今日第一日番工就已經想唔做,

我真係好冇用!!

或者係因為O岩O岩先學冇咁快手,

但我倒又唔覺得係呢個原因,

我聽力、反應可能真係有D問題,

手腳唔協調,

我真係好冇用!!

我唔知之後點捱落去!!

如果話邊個係最易俾人睇死既,

我就係第一個,

我唔想俾人睇死, 但俾人睇死係一定既,

我好清楚呢一點.