終於到啦! 今日...

我對Hana承諾過要開心咁送別, 我做到啦..

Hana一路順風啦!~~

前幾日特別整咗個音樂盒俾Hana做生日+聖誕+送別禮物~

另外响佢臨走前, 影咗即影即有!!

幾日前, 約咗池B&Yoyo B去大圍踏單車..

當日我唸番起好多3年前同3E班去踏單車嘅回憶..

............

3年前, 家長日後一日係補假, 3E班話去踏單車, 所以我就跟埋朋友去..

嗰次應該係我第一次除咗學校安排嘅活動之外, 同學校同班同學出去玩嘅一次:)

其實我唔識踏單車, 所以佢哋就教我踏..

講真, 當時我都學得幾慢=v=''

當時主要係Louis同Jacky教我踏, 佢哋教我都好似教得幾辛苦@@

Merrick仔就一直跟响我後面, 睇住我踏

而Jason Tam就推我, 令我成功學識踏!!

以前3E班得7個女仔, 所以我同大家都幾fd.. 同Rita都好fd ga^^

踏到識識地嘅時候, 經過响前面休息緊/等緊嘅大家, 聽倒大家讚我"好叻!"嘅時候, 真係好開心!!

............

話咁快已經3年lu~~~

學徒已經唔係我, 而係池B!! 

學踏單車真係幾辛苦..

不過相比之下, 池B比我學得快:))

雖然最後我哋都無踏到去大埔墟@v@

其實優優閒閒咁踏吓單車, 感受吓清涼嘅自然風真係好寫意:D

休息嘅時候, 我哋响度玩自拍神棍, haha..

踏單車過程中, 見倒池B終於識得响無輔助之下踏倒單車, 心入面真係多咗份感動:')

Yoyo B形容我同佢就好似池B父母咁, 望住自己子女努力過後終於成功, 而覺得好開心, haha

回程途中經過文化博物館, 去咗影相留念:D

最近日日放暑假, 搞到睡眠時間都180度大轉^^" 晚睡晚起..

Li段日子亦睇咗好多劇, 之前睇咗少少《請回答1997》, 煲咗《Trot戀人》,煲完《主君的太陽》

而Li 2日係過得最hea嘅~

Ytd係咁煲劇, 睇咗1集《Running Man》, 3集《沒關係, 是愛情啊!》,1集《那年冬天, 風在吹》

其實本來無話特別要去睇《沒關係, 是愛情啊!》, 不過見有光洙, 孔孝真同趙寅成, 就唸住睇吓:))

結果覺得幾好睇, 雖然心理學好似有D複雜..

初初睇咗一陣就有D唔習慣, 可能因為我睇慣咗孔孝真演嘅"太恭實", 同埋睇慣咗"太恭實"同"朱社長"一齊, haha

《那年冬天, 風在吹》真係一套好好睇嘅劇集, 俾人一種好優美嘅感覺<3

.......................................................................................................................

嚟緊有D想睇番動漫, 或者《Dr.異鄉人》&《你們被包圍了》(SBS D劇好似就嚟俾我連續咁煲)

SBS上年6月到E+播緊:

《聽見你的聲音》(煲完)-->《主君的太陽》(煲完)-->《繼承者們》(煲完)-->《來自星星的你》(煲完)-->《Three Days》-->《你們被包圍了》(想煲)-->《沒關係, 是愛情啊》(煲ing)

今日整咗朱古力同蛋糕!!

第一樣野係整咗朱古力先, 因為要等爹哋買牛奶番屋企

首先, 融咗D朱古力塊(用暖水)

融咗之後, 就慢慢放D朱古力入個模

今次我整嘅朱古力分咗3類: 脆脆米Choco, 爆炸糖Choco, 原味Choco

細嘅朱古力賣相有D差" 不過味道ok!!

第二樣係蛋糕!! 今次係我第一次用麵包機整蛋糕, 整咗個朱古力蛋糕

不過今次整蛋糕同整麵包唔同, 要準備嘅材料多咗~~

麵粉要用中筋, 同埋要篩咗先; 雞蛋要打散, 牛油要事先融一融

加曬D材料入麵包機之後就等5mins, 再放D朱古力入去..

.............................After 1hour 35mins.......................................

第一個Cake整好啦!!! 賣相嘛嘛, 不過好香^^

味道幾好! 不過䓀咗少少" (可能因為太多可可粉)

突然覺得與其婉惜，不如去珍惜

道理就好似”半杯水“嘅哲學咁

有Ｄ人會覺得得番半杯水，亦都有Ｄ人會覺得仲有半杯水

兩種講法可以反映一個人唸野係正面定負面！！

。。。。。。。。。。。。。。。。。。。

朋友要離開，唔代表失去

就算大家嘅距離變得遙遠，友誼嘅情誼亦可以不變

因為彼此信任，存在牽絆：）

。。。。。。。。。。。。。。。。。。。

所以不如唔好再覺得婉惜，學習好好珍惜啦！