我個人太脆弱啦... 好容易唔開心:(
真心嗰句, DSE完咗之後, 我覺得我好難捕捉到快樂...
等人約, 係咪啱嘅做法呢?
其實我有主動約人ga, 不過好似約極好似都得個吉...
即使我約倒, 好似都會因為好難得先約倒出嚟而感嘆
態度真係好唔正確, 我知ga...
........................................................................
心裹一直有好多野想做, 不過真係做唔到
想去旅行, 想去自拍館, 想出街, 想簡單影張貼紙, 想post同fd開心嘅ig, 想見面時開心...
想有人聆聽我嘅心底話, 睇通我响Li件事上感受係點...
.......................................................................
星期三, 難得可以同我個fd睇戲, 不過睇完戲我個fd好似好想快D走, 走嗰陣大家又無野講:(
星期四, 一直等緊通知星期五嘅dinner gathering約成點,
結果同fd傾電話咁啱多口問句先知原來已經約實咗幾點等, 發現得我唔知:((
星期五, 我做野第一次出糧, 真係好開心, 不過夜晚餐飯改變一切...
餐飯本來都好地地, 不過愈傾先愈覺得我好多野都唔知, 令我覺得我完全融唔入大家:(((
食完飯行商場影相, 影即影即有, 我個fd毫不猶豫咁送咗張相俾另一個fd(我有D無奈):((((
之後手機影相, 我想用自己手機影幾張相, 不過變成咗佢哋唔理我, 自己兩個自拍:(((((
今日, 見到facebook個fd轉icon, 佢轉咗嗰晚嘅相, 不過就係無我:((((((
......................................................................
我真係太脆弱啦...
我唔敢揾人講Li件事, 因為咁會令人覺得我太自負
我真係懷疑自己其實係有情緒病 (/ _ \)
其實我同隻雞蛋無咩分別...好容易就㑹碎...
...................................................................
E+唯一令我期待嘅應該就係6/10&11
唯一我認為我可以快樂渡過嘅兩日.. :)
|
