終於要走啦...
其實我都唔係好知我應該有咩感覺, 用咩心情去接受...
...............................................................................
一年前, 我開始同一個人傾wtsapp, 一傾就連續傾咗大約半年
對我嚟講, 嗰半年佢已經介入咗我嘅生活
我開始習慣每日無時無刻同佢傾wtsapp
大家咩都會講, 生活鎖碎事; 開心, 擔心, 傷心, 憤怒嘅事都會講一餐
慢慢...慢慢...我開始習慣唔開心時, 被安慰, 有一位聆聽者
.............................................................................
Li 半年嚟, 我哋都發生過唔少事...
一齊打書釘, 一齊去睇戲, 一齊跑步, 一齊食飯
雖然大家亦曾經有鬧交嘅時候, 不過鬧交嘅時間唔長..
.............................................................................
暑假去泰國旅行, 我本來以為我會因為停止傾wtsapp一星期, 但係當時屋企人怕無wifi用, 所以買咗張電話卡, 令我响泰國都有3G用=v="
令我向泰國都有wtsapp傾, haha
.............................................................................
以前除咗一齊傾過生活鎖碎事, 仲有幫大家改花名, D花名都幾搞笑, 幾奇怪ga
而每個花名都有特別意思
E+唸番起, 都唔知點解會有咁多花名
.............................................................................
停止聯繫Li半年, 我唸咗好多野
不過, 時間一分一秒咁過, 愈唸愈覺得所有野都已經過去
有咩值得記, 有咩唔值得記, 已經可以分得好清楚
慢慢...慢慢...
我又習慣番以前嘅生活
....................................................................
今日, Li個人走lu~
要飛去美國
㝷晚, 我做咗件令自己唔會後悔, 唔會存有任何遺憾嘅事
我將自己想話佢知嘅一D說話响wtsapp話咗俾佢知
其中有一句係咁嘅: "去到美國🇺🇸你會有新嘅生活, 新嘅習慣, 新嘅開始...希望你去到美國會識到一班對你好嘅朋友, 同揾倒你嘅意中人*
講真, 我覺得我咁樣做, 真係鼓起咗好大勇氣(因為平時好被動), hehe
點都好啦! 一路順風啦大蕃薯🍠 |
