本栗生本最討厭某幾種人,

一係顏飯,

口口聲聲話鍾意人地,但實際上係鍾意人地個樣。

話鍾意佢地,咁佢地既歌你又聽過幾多?!

我是但就搵GazettE黎講,有好多人同我講:你鍾唔鍾意GazettE架?!

我好鍾意架!你鍾意佢地邊個呀?我鍾意流鬼呀!

葵我最唔鍾意!成個GazettE入邊佢最樣衰!"

大佬呀,人地樣衰咩?我唔多覺,起碼人地都係叫做有實力!

就算你真係覺得佢樣衰而唔鍾意佢既話,

咁你無資格話你係鍾意GazettE,

GazettE係一隊架,單單鍾意一個,又醜化第二個,

咁樣就係叫做鍾意咩?我問你聽過佢地既咩歌,,

你又答我:佢地D歌好好聽呀!"

我問你邊隻歌好聽,你又答我唔到,

有D都算好D,起碼講到一,兩隻歌出黎呀,

但係係咪真係有聽過,咁我唔知。

二係話成日人顏飯既忠飯。

同上邊既好矛盾- -"

但係亦都令我討厭。

試問有邊個係只鍾意佢地既歌而唔鍾意佢地既造型?

講出黎都冇人信啦,就算人地真係話:我信你!"

但係人地個心入邊可能爆緊粗話緊你。

有D人成日搵我講:我真係好憎D死顏飯呀!

成日扮晒野咁,成日話好型呀果D咁!"

雖然呢點我認同,但係都唔洗講人"死顏飯"呀?

成日加個死字俾人,成日死死死,係咪好想死?

人地同我地都一樣係人,係鍾意既角度唔同,

其實都無需要話人"死顏飯",話一句"顏飯"咁已經夠啦,

呢個地球有咁多"顏飯",你話得幾多個姐?

我地呢D所謂既"忠飯"唔通又真係只鍾意佢地D歌咩?

係既話咁咪日日聽住果幾隻歌黎過人生囉!

我丞認我係由珈琲既"顏飯"先至變做"忠飯"

我相信你地唔多唔少都係睇左人地個造型先鍾意人地先,

然後再搵音源,慢慢真正咁鍾意佢地。

係呢個經過入邊,我地都有試過做"顏飯"。

問題係時間既長短。

所以亂話人顏飯先應先諗自己!

如果果個人真係顏到好似我岩岩講咁,

你話佢都無所謂,但唔好話得咁勁。

呢個係我既觀點。

不過上邊果兩樣都唔係最討厭。

我最討厭既係虛偽既人!

好多人都專登為左討好我,而係我面前扮晒野咁,

但係你地係我身上可以搵到咩好處?

呢樣我諗左好耐都唔明。

樣,我無。

成績,我唔好。

年齡,我老。

細心,都無。

錢,更加無。

咁你地唔想激嬲我,呢樣我明,

但係唔洗係我面前對我好,又講下人壞話咁,

係我背後就對你係我面前講過壞話既人好,然後又講下我。

其實係你自己講緊人地既時候,人地又係你背後講緊你,

講黎講去你唔悶既咩?我就覺得好無聊。

係你地覺得開心既時侯,我都唔係陪你地開心緊。

雖然我討厭虛偽既人,但係我偏偏就做緊呢個角色。

好矛盾。

我成日都要因為朋友而強顏歡笑。

咁係因為我重視朋友。我唔想我既朋友唔開心。

但我講野會直接,我見到唔鍾意我就會講。

因為我想係我了解你地之前你地都明白到我。

我虛偽。

呢樣野連我自己都討厭自己。

唔明點解我成日都要扮開心。

明明就算朋友既語氣令我覺得勁嬲勁唔開心都好,

我都要扮晒開心咁,

係呢一個星球有邊一個唔虛偽?

其實只係睇你虛偽既多少而定義架姐。

唔熟我既人就唔好專登對我好,

咁樣我會覺得你好虛偽!