呢日我好嬲，好忍嬲，喪嬲！

我俾兩個人chur爆咗，真真正正咁俾佢哋chur爆。

星期一晚，有個女仔話想同我一group做Environmental Psy嘅paper，我知佢都係想寫少啲字，話哂一個人寫三千字，仲要星期五交真係忟咗啲。咁我星期二公眾假期嗰日就喺hall坐足成日搞掂我嗰part，呢個女仔就喺半夜都搞掂，但係我一睇佢嗰part，當堂大鬧幾聲「仆街！」

冇嘢呀？三千字兩個人寫，每個人應該寫千五字啦，呢條咁簡單嘅maths我諗我冇計錯，但係個女仔竟然寫得嗰635字俾我囉！係635字呀！我重申一次，A Level英文作文都唔止作呢個數呀！呢635字係包括三parts架囉：Introduction, description and pros，呢條八婆夠膽死喺pros嗰part得三個points，加埋得二百幾字咁大把，須知道pros and cons係份paper嘅主體，我齋係cons呢part都寫咗13xx字呀，佢有乜理由寫得嗰六百幾字呀！

我叫佢加長啲points，佢話ok，我叫佢搞掂之後再send俾我，佢都話ok，但係呢兩樣嘢佢係講吓就算！今晚我打俾佢，佢先send佢嗰part俾我，而且佢已經send咗份paper俾Dr，擺明係逃避我！再睇佢嗰part，我喪嬲，我用盡所有粗口去講件事俾梦蘅同Natalie聽，呢條八婆係一粒字都冇加過！

我打俾佢問佢做咩唔加字，佢嘅答覆係：睇過兩份readings，都係得呢啲pros，真係加唔到字。我從來未試過咁白去寸人，我毫不客氣咁篤爆佢嗰三個points都係抄一份報告，叫佢自己用腦諗多啲points，同埋寫得詳細啲。

 真係冇病呀，我知佢係想寫少啲，但唔係少到咁忍樣呀？如果我唔係寫咗19xx字，都係寫6xx字，咁份paper咪得12xx字呀？係咪要縮骨到咁先？點解啲人可以咁不知羞恥架？經過我三輪嘅電話轟炸，呢個女仔先知衰，肯加字數，最後加到11xx字，同埋講sorry。

我啖氣都仲未落，就要打俾另一個人，佢係我文字學一齊present嘅hea男，我星期一已經做好我嗰part嘅paper，兼send埋e mail叫佢今日好搞掂佢嗰part俾我執，因為我見識過佢幾咁唔掂，所以我知要著緊啲。但係我都係低估咗呢條仆街仔，十一點幾我打俾佢，佢話啱啱搞掂，執埋就send俾我，佢問我寫咗幾多字，我話34xx(份paper要求大概五千字)，個仆街仔就話：哦，我寫咗千幾字，咁差唔多啦。我即爆，問佢做咩得千幾字，佢嗰part係好多嘢講架！佢仲夠膽死重覆話千幾字差唔多，我叫佢加番present時漏咗嘅points同examples落去，佢竟然夠膽唔耐煩咁快快收線！

好啦，我等到一點幾，收到喇，果林咁啱喺我房，我一開個file，我即刻dee dee聲，果林係話：呢份係outline嚟架喎。冇錯，嗰份嘢根本唔係論文，係一篇垃圾！一個headline加一句句子可以叫「段落」咩？異體字嘅定義真係同我一句寫完就算，完全唔elaborate,其他所謂嘅points全部都係outline形式，冇行文加構可言！我叫佢加嘅嘢，一樣都冇加過，宜家全世界係咪當我死架，我發火喺果林面前狂插呢條仆街仔！呢個人連中文段落都唔識寫，點考入中文系架？

真係唔明囉，last year，last sem先遇到啲咁仆街嘅人，仲要打孖上，係咪咁玩嘢呀？個女仔就俾我chur到，但係呢個仆街仔，真係chur唔到，我仲要俾佢拖落水囉，咩事呀宜家，自己hea都可以咁理直氣壯，year 1唔係一個藉口，唔識寫paper都hea寫paper係完全兩回事！