噢~~~鷄年到~~新年快樂~~希望呢年順順利利

不過年初一唔多好運.....唔知做咩,飲完茶之後,個胃一直唔舒服,啲大人話係胃氣脹喎,直到晏晝四點幾先嘔得出......個故事仲未完,嘔完之後嘅一個鐘,我開始肚痛兼肚瀉......傳說中嘅上吐下瀉出現咗!!!!

當我以為上吐下瀉過後,會係美好嘅將來嘅時候,肚痛徹夜伴隨,唯有尋找解藥-----"爸爸牌憤怒丸",可惜多疑嘅我做咗樣唔應該喺呢個時候做嘅事----check expiry date,盒底清楚寫住"EXP. DATE:2003.07"!!!!!!=_="還記得"公主復仇記"裡的對白:"呢個世界根本冇王子,淨係得扮王子嘅仆街"我會加多句:"但係"裝"王子嘅人更加仆街"好彩Daddy~~唔知喺邊度揾到樽"李萬山整腸丸"總算瞓得到~~