唔食飯都會肥~激死人喇..又無時間做運動wor...... 個個都叫我學返跳舞.但一學3個鐘.邊有咁多時間喎~

唔知係唔係個人無咩壓力..會肥d架呢?

今年生日...又大一年喇..人好似好快就老咁既..話咁快.如果永遠都長唔大就好啦.所以我都無期待過生日..講真既.

不過真係好矛盾.如果唔係生日又點會收到大家對我既祝福呢?原來開心既不只收到禮物.heehee...記得前幾年既生日..每年都為左一件事攪到好唔開心.今年例外.仲有意外收獲tim..係好....(感動)..多謝各方好友為我計劃我既生日..雖然我地無得去沙灘玩..但有大家陪我過真係好開心..好鐘意今年生日既所有禮物..仲有魔術表演.好難忘...魔術師仲要係靚仔tim..幾難得架喇..難得大家堅持到12.00一齊再三同我講"happy birthday".其實你地真係講左N次.仲好HIGH TIM.其實咁多次MEETING裡面大家真係好少玩得咁投入同咁人齊喇..希望大家都盡興.特別係有心意既你..希望你地和好如初...最近見得太多人感情出現問題..有個FD笑住同我講.."一定係你腳頭唔好喇..黑晒身邊所有情侶..包括有人要離婚"......... 我有咁勁就好啦.

睇左"子孤物語"等左好耐想睇既戲..呢套咁有紀念價值既戲..我一廂情願咁當佢係"我同BOBO" 相處既點滴重溫.結果我請左媽咪去睇.我同媽咪講..我地會搵返BOBO既影子一D片段.我知道你會明白我既意思..因為其他人唔會領會得到.因為我真全心全意去照顧同保護佢.直到佢既離去.. BOBO最信賴我,我地一邊睇一邊喊...唔係因為隻小孤離開而喊..而係戲中主角同小孤相處既片段..跟我幾乎一樣..當然BOBO無缺憾.所以我媽咪一邊睇..一邊話"係呀..同你一樣..係咁呀.."其實都唔知係好定唔好..佢同我感情最深...傷得最深又係我.都唔知幾時我先會平伏得到.去忘記佢又好似好衰咁..成日記住佢我又好心痛..就算養過一隻..根本都唔係佢..點代丫..上年生日佢仲係我公司門口等我..一齊去南丫島食海鮮....

唔係人人都值得你講真心話架..有人引你去講..扮FD..背住你又另一張嘴臉..經一事長一智..分得出是好是壞是一件好事..

真係好熱...前幾日先發完燒..依家又30幾度..

係office 以為好舒服啦..都唔知咩叫甲級寫字樓.邊個講架?我以前做過既公司只會係凍死人..唔會係熱死人架..@.@

呢度係冬天更凍..夏天更熱..好彩個同事sick leave.係我reconfirm.佢係唔返工之後..就做左樣好叻既野.

我搶左佢個私人大風扇..heehee.佢地話我古惑..個風扇救左我一命.

放工之後我都即刻去買左個私家風扇 ...... 我唔想再病喇

係呢度做野..平均每個月都會病既.因為通風差掛... 我見過佢地做過一個實驗.風口位係天花板啦.將一張A4紙放於冷氣口位.....

竟然會被吸住呀...D紙吸晒係天花板WOR.. 但對面TEAM就凍到死..用D膠隔住D風WOR..救命呀..