今朝六點幾肚痛到醒咗，今日返工好多嘢做，今日又輪到 Terry 請食 Tea 喎，下晝湯米打嚟話佢放工買嘢俾我食，跟住陪我過埋去銅鑼灣然後先返屋企食飯，好 Sweet  呀！！！開心！嘻嘻！但係今日放工有同事行喺我後面，搞到我同湯米好似要偷偷摸摸咁，唔鐘意，但係費事又俾啲同事問長問短，都係唔好俾佢哋知有人等我放工，仲要係一個男仔，湯米買咗砵仔糕俾我食，一人一個，今晚自己一個做尖同跳 BS(1)，個音樂唔同咗，連節奏都慢咗，但都係出好多汗！

今日瞓到十點幾就醒咗，好耐都未試過瞓到自然醒，下晝同湯米去咗 E-house 做尖，唔知係咪因為冇見湯米幾日，出門口時有啲緊張，做完尖已經七點喇，跟住同湯米諗住喺銅鑼灣食 Pizza Hut，但係超多人，結果我哋決定去灣仔嗰間睇吓會唔會少啲人，點知去到又係咁多人，今晚終於試到個超級夏威夷三重芝心批，好好食呀，但係個海鮮寛條麫好難食，好硬，好似食麪粉咁，食完飯就返屋企喇！

用了六天的時間給大家冷靜一吓，希望以後更懂得去珍惜身邊的人和事！

希望 Sammi 的演唱會不要加場呀，如果唔係我買咗尾場的飛就不是尾場了，擔心 ing！

一期一會重演喇，密切留意！

今個 Sem 好似過得特別快，已經過咗一半喇！

想轉工嗎？？？

唱片公司間唔中都會幫歌手推出一啲精選碟
而精選碟又可以分做有誠意同無誠意兩種
對於我嚟講呢
無誠意的精選碟就係一啲比唱片公司出到爛的碟
好似環球什麼超經典系列
超級巨星系列
又例如華納啲乜乜極品音色系列
啲唱片公司差唔多每年都幫啲歌手出幾隻精選碟
啲歌來來去去又係嗰啲
封面包裝又唔花心思
又唔特別
通相都只係得歌詞
想搵歌手啲相都好難
又冇宣傳喎
如果唔係某某歌手的 Fans
隻碟真係出咗都唔知呀

反而有誠意的精選碟就吸引得多
通常呢啲精選碟都係一啲唱片公司
幫仍然喺公司又或者啱啱離開公司的歌手出嘅
包裝精美同有心思好多
有啲又有相集
好似最近張惠妹的十週年精選
同埋以前鄭秀文的完全擁有新曲 + 精選
都好值得去收藏架

已經來到零七年的三月中了
零七年只剩下八個多月
今年年尾便 27 歲了
以前 20、21 歲時覺得 27 歲仍然距離自己好遠
但係一眨眼
愈來愈接近呢個歲數
工作上仍然有好多不滿的地方
不滿的地方是來自對自己的要求
不希望到 30 歲時仍然係做一個 Training Assistant
希望賺到更多的錢
對工作的野心大了
究竟這種心態是好還是不好呢？