今日本來想十點半起身 但又係瞓到湯米打電話嚟先起身 今日又要湯米等好耐
傻一下次唔會架喇 我哋去灣仔買咗砵仔糕食 好好味 之後去咗 188 買林一峰隻新國語碟 仲買埋 Madonna 隻 Tour DVD 而湯米就買咗盛夏光年 DVD 然後我哋去咗做尖 之後就返屋企做節喇
今日全公司啲人都好似冇心情做嘢 可能係假期前夕嘅關係啦
今朝 Shanice 叫咗 Judy、KiKi同埋我入房開會 因為遲啲會用一個全新的 Training System 我哋幾個要做一個 e-learning 再去試吓點用個 System 今日老細表演啤牌魔術 真係好神奇架
老細今日仲已經派咗利是俾我哋
放咗工就返學喇
今日放工去咗 IFC Clinique 買咗洗面 Lotion、爽膚水同埋保濕控油 Lotion 然後就搭船過尖沙咀同阿德食飯 我哋去咗海港城一間食店 好似叫尚膳乜乜小廚 哈哈 唔係好記得叫咩名 係叫餸食飯 食完飯阿德去咗買 Lab Series 嘅護膚品
再去埋 Page One 買盛夏光年小說就返屋企喇
今日返工搭車時又係一上車就瞓，搭車瞓覺真係好，又唔使怕暈車浪，今日雖然好似冇咩特別嘢做，但係啲濕碎嘢就令我可以做足成日，今日係情人節，公司啲同事成日都係問你有冇買禮物呀，佢又會去邊度食飯呀，當然我都不能幸免被同事問啦啦啦，講真真係好 Q 煩，真係想講句關你哋叉事呀？！ 今日湯米要上 Course，咁我就同佢講話我去做尖，其實我放咗工去行咗一陣，睇醫生，再去尖度沖埋涼，就去湯米公司等佢喇，其實本來想俾個驚喜佢，但係原來湯米都估到，原本講咗話我喺魚旦檔度等，但係我實在太攰，又一心諗住湯米一定會經過公園，所以我就去咗公園坐低等，但係湯米行咗另外一條路，所以我見唔到佢，搞咗個大烏龍！ 我哋去咗食麫，其實只係我食，湯米只係陪我，因為湯米已經食咗嘢喇，湯米送咗一張咭，一部新電話，一大盒加一小盒朱古力，同埋一樣新年禮物俾傻一，傻一好感動，好開心，湯米又用咗好多錢喇，一方面開心，一方面又覺得晒咗湯米好多錢！湯米重幫我個新電話叉電，仲 Send 咗啲歌俾我，好嘢！ 今年係第二年同湯米過情人節，今年情人節湯米要上 Course，而我哋兩個都病咗，所以我哋都要保重身體呀，星期六輪到傻一送情人節禮物俾你架喇！
今天的心情比昨天好，放工食咗少少嘢就返學喇，今晚新嗰個阿 Sir 話有人投訴佢，所以佢會辭職，之後我哋會有一個新 Lecturer 嚟教我哋，佢宣佈呢件事時好似好嬲咁，嚇到我哋都唔敢點出聲，之後仲要做 Presentation，真係嚇到一額汗！返到屋企好攰，點知老豆又喺度大掃除，今晚輪到洗厠所，搞到我十一點幾先沖涼，成一點半先瞓到！討厭的農曆新年呀呀呀！
