尋晚一點先瞓
所以今日好冇精神
好攰
今日個喉嚨冇咁痛
但係就流鼻水
PQS 啲嘢都做得七七八八
Edith 今日 Sick Leave
所以冇人俾嘢我做
好多嘢都要等 Edith 返嚟先 Fix 到
今日返工啲時間過得好慢
今日係同湯米拍拖第十九個月紀念
湯米今晚要上 Course
所以我哋都冇見
而我就去咗做尖

今日冇尋日咁病，但係個喉嚨都係仲有少少痛，今日 Wesley 公佈佢今年六月會結婚喇，好似喺 EATON HOTEL 攞酒，唔知係咪就係阿琳講嗰間酒店呢？今日終於都返番學喇，尋晚發夢夢見自己唔記得返學，原來上個星期已經開咗學，嚇死我！今日見番啲同學，大家都冇乜點變，有幾個同學冇返，唔知係今日唔返定係決定唔讀呢？Estella 今個 Semester 仲教多我哋一科 Employee Reward，噢！！！Macy 真係唔教我哋 Strategy 喇，換咗一個男人叫 Stanley Ng，上咗一個鐘堂，已經搵到佢嘅口頭禪係“OK！Right！”但係佢講啲嘢都幾易明嘅，都跟到！Employee Reward 呢一科要做 Group Assessment，好似好多嘢做同好難咁，努力呀！！！

今朝五點幾醒咗，跟住就瞓唔番，個喉嚨好唔舒服，今朝仲肚痛，痾咗三次，今日的工作量回復正常，但由朝早到食晏個人都係浮吓浮吓，四肢無力，好似作病咁，到下晝好咗啲，放工去咗西武行咗一陣就去中環同 Flora & Shelley 食飯，去咗碗屋食日本嘢，任叫任食，要三百蚊一位，好貴！啲嘢食 OK，但啲服務唔好！每次同 Flora 出嚟食飯，佢都會問吓我做嘢做成點，讀書又讀成點，其實我都知佢係緊張同關心我，但係有時真係有啲壓力架！宜家個喉嚨仲有啲痛，聽日使唔使去睇醫生呢？！仲有衞蘭開始賣飛喇，點算？

今日同湯米去 SunZone，又唔見 C+ 喎，唔通佢已經冇做？？？曬完燈走時又見到平時做尖都會撞到嘅男仔！今日跟 Epsilon 跳 BS(1)，好過 Joanna 好多好多呀！跳埋今堂，之後兩個星期都冇乜機會跳喇，因為就唔到時間！今日可以話係我的失魂加黑仔日，今日出咗門口先知唔記得帶運動褲，又要返轉頭攞，趕緊去曬燈時又俾差人查身份証，去做尖又唔記得帶 member card，又要交按金加手續費，臨走時攞番啲按金，我竟然發緊夢咁問人：我張咭呢？！跟住先突然醒起我今日冇帶咭，好瘀咁跑出去！好瘀呀！夜晚去咗 th: 想買一件衫，但係冇貨喎！早知尋日就買咗佢啦！今日買咗 S.H.E. 演唱會隻 DVD，但買咗先諗到我呢個禮拜應該都冇時間睇，所以俾湯米睇先！就係咁今個周末又過咗喇，星期一至五就渡日如年，星期六日就過得快過閃電，今個星期二開始返學，我嘅返學前抑鬱症好似又發作喇！

星期一同 Flora & Shelley 食飯
星期二返學
星期三做尖
星期四同湯米慶祝第十九個月拍拖紀念
星期五返學
星期六去 Annual Ball
星期日去剪頭髮
星期一湯米有嘢做，所以我會一個人去做尖
星期二返學
星期三係情人節，但係湯米要上 Course，所以去做尖
星期四約咗阿德食飯
星期五返學
這就是我新年前的時間表喇！呼！！！

今日肚痛呀，尋晚湯米都肚痛，唔通尋晚我哋都食咗啲唔乾淨嘢？！今日同湯米去咗天后一間 Spa 做全身磨砂，浸溶同按摩，感覺唔係太好，好似好求其，但係幫我按摩嗰個人已經算好，湯米嗰個只係幫佢推油，哈哈，之後我哋去咗食清湯腩，再過去百利買衫，買到去 Annual Ball 的恤衫喇，湯米今日又買咗五件衫，大出血，我哋要一齊慳啲喇！唔係就搬唔到出嚟住架喇！返西營盤食埋糖水就返屋企喇！