今日繼續溫書，讀極都讀唔入腦，對今次考試冇乜信心！

夜晚同朱古力仔去咗尖東，諗住去百利買嘢，但都係買唔到，之後去咗哥登堡食飯，食完飯就返屋企喇！今日係朱古力仔同吉士拍拖第十八個月的日子，我哋拍咗拖一年半喇，我哋交換咗禮物，吉士收到一個散銀包，朱古力仔就收到一支 Biotherm High Recharge 面霜！

To：Joe

環球嘉年華開到三月中架！方力申同 Stephy 冇問題，但係想睇 Janice 多啲！原來湯米唔係要聽 Talk，係要上教統局一個 Course！

To：琳

我開心話二月十四去環球嘉年華係因為老細話會喺 Office Hours 時去，所以唔使做嘢，如果係咁就好喇，但係嗰日湯米夜晚都要去聽 Talk，所以我諗都唔會特別慶祝喇！！！

今日好凍呀，我最怕凍，天氣凍我就唔想郁，好想瞓，但係因為後日就要考試喇，今日十一點幾就起身溫書，一路溫書一路食零食，到五點幾就去金鐘買啲嘢，同埋約咗湯米喺金鐘等，但係我買唔到我要買嘅嘢，之後去搵湯米，一齊去咗銅鑼灣行街，本來想買衫，但係又買唔到，反而湯米就買到一件褸，一件衫同一條牛仔褲，之後我哋行去灣仔新高麗苑食韓燒，食到好飽呀！

今日趁得閒
終於的起心肝去執吓我嗰張好亂嘅枱
丟咗好多嘢
Judy 見我執嘢
講笑問我係咪唔做喇？！

今日 Jessica 開咗支白酒
死都要迫人飲
除咗大肚婆
冇人幸免

今日 Phoebe 同 OA 都 SL
噢！

今日老細好 serious 咁同我哋講
話二月十四要一齊去環球嘉年華
嘩，係就好喇

今日放工就返屋企喇
好耐都冇試過星期五放工冇去街
搭車返屋企時個感覺好得意

Men’s Uno 個古天樂好型呀！

今日同事話今年 Annual Ball 嘅嘉賓竟然唔係之前盛傳嘅側田或者衛蘭，因為側田太貴，而衛蘭就係因為喺叱吒攞咗女歌手銅獎就坐地起價，真係信不信由你！最後證實嘅嘉賓係方力申同 Stephy，失望，但係隔離個女同事一聽到話有方力申就勁開心，話要入後台同佢合照！

今晚去咗 e-house 做尖，好多人呀！

今日出門口時落雨
拎遮，麻煩
一邊拎遮一邊拎公事包同飯盒，好麻煩
拎遮拎公事包拎飯盒，仲要追巴士，超麻煩．．．

今日返工又係咁
要六點半先走得
好憎做 New Hire’s Training

好期待睇：
冧歌有情人
盛夏光年
太陽之歌
生日快樂

希望可以快啲到暑假
希望可以去旅行

頭痛ing (真係頭痛)