今日終於交咗功課喇，終於可以正式休息一吓，好開心啦啦啦！

夜晚約咗火柴人 Raymond 去食飯，真係笨，約咗佢七點半，諗住去 Poly 交功課要排好耐隊，但係唔使六點三就搞掂，搞到我唔知去邊好，最後去咗信和行唱片鋪，七點四去到朗豪坊，點知有人又遲到，唉！之後陪佢去咗電腦中心買 Number Pad，之後就去咗打邊爐，叫咗唔係好多嘢，但係好飽，同埋又食唔晒，我今晚問咗 Raymond 好多問題，哈哈，好私人的，1010，笑，每次同 Raymond 食飯最大的娛樂就係睇佢個電話喇，真係好多嘢睇架！發現咗一個秘密，就係有個叫 Peggy 的同事好似好冧陳經理喎！爆笑！Zoe 二號！

To：Joe

啲字打成咁冇意思架，得閒轉吓樣冇咁悶嘛！

話說初初識湯米時，覺得佢塊面好濶，好似牛奶仔，但係佢嗰時曬到好黑，咁講吓講吓，變咗叫佢做朱古力仔喇，而吉士同 Chris 個音相似，所以湯米幫我改咗呢個名囉！

我都想睇衞蘭呀，但係我同湯米星期一打去訂飛，打極都打唔通呀，所以訂唔到！

你見到湯米，你唔叫佢？？？佢應該都認得你架，因為我俾過你哋啲相佢睇架！哈哈！

今天在公司做功課
　　努力做努力做
　　　　很專心的做
　　　　　　可以說是完成得八八九九
　　　　　　　　很開心很開心

其他同事都很清閒
　　大部份都是在上網
　　　　又或者是走來走去
　　　　　　說是說非，超級無聊啦啦啦

　　今又放工前有位同事希望我用 Formula 去統計一些 Excel Date
　　　　Formula 想好了，但有一些問題
　　　　　　最後只有放棄
　　　　　　　　可是同事卻希望在今天內完成統計
　　　　　　　　　　所以她要 OT 用人手計數，好慘啦啦啦
　　　　　　　　　　　　她說老細趕著要
　　　　　　　　　　　　　　但是老細去了上海
　　　　　　　　　　　　　　　　我覺得明天才做都不算遲
　　　　　　　　　　　　　　　　　　所以我五點九就放工了
　　　　　　　　　　　　　　　　　　　　有點不好意思

今天沉不住氣窒了 Lusa 和 Judy 一句
　　只好怪你們做事太亂了

今晚屋企冇水呀
　　出咗去食飯
　　　　不可以沖涼
　　　　　　慘慘慘

今日返工好得閒 

今日好凍呀，返工出門口時見到我以前中四同中五個班主任阿 sir，佢望咗我一眼，唔知佢係咪都認得我呢？咁多年佢真係冇乜點變！

今晚終於考咗試，應該會 Pass 卦！！！好多同學都特登請假嚟考試，而我都請咗半日假，今日約咗 Karen 同埋 Perman 食晏，佢哋好好奇問我點解會特登走過上環同佢哋食飯！食完晏返屋企上網做咗啲 MC Questions，換衫返 Poly 圖書館溫書，話咁快就考完試喇！

當我走時，朱古力仔打俾我，問我喺邊，我當時聽到佢好似喺街度，但係就估唔到佢嚟等我放學，朱古力仔話佢喺 Y Core 樓下等我，見我行出嚟，但係我就見唔到佢直行直過，跟住佢就一路跟住我，哈哈，之後我哋去咗食飯，好飽呀！跟住朱古力仔就同吉士返屋企喇！