仲有呀，仲有呀，今日同湯米交換咗聖誔禮物，我送咗條呔同一份神祕禮物俾佢，而湯米就送咗手帶同梁詠琪的最新國語碟俾我，係台灣版嚟架，仲有仲有，係仲有 Gigi 個簽名架，哈哈！

       

今日下晝同湯米去咗石塘咀附近食下午茶，我叫咗個雞中翼午餐肉加雞蛋通粉，仲有奶油多，而湯米就叫咗個火腿芝士飛碟，樣樣嘢都好好食，唔錯！之後我哋就過咗去旺角，我終於都買到一件褸喇，我好鐘意呀！跟住行吓朗豪坊，去埋太子，過埋去尖東，睇咗一陣燈飾，尖咀好多人呀，一見到咁多人就驚，唔知係咪人大咗？！好怕去咁多人的地方，跟住唔想漫無目的咁行，所以就返屋企喇！冇估到平安夜咁早就返屋企，其實聖誔節都係一大班朋友出去玩開心啲！希望下年可以啦！又或者第時搬出去住，約埋一班朋友上嚟屋企開 Christmas party，咁就超好玩喇！諗起都興奮呀！

           

       

       

結果尋日啲功課掂都冇掂過，實在太過份喇，
尋日下晝去咗 e-house 做尖，去之前走咗去 988 食啲嘢，
但係個滷水雞脾一啲都唔好食，笨咗添，
可能近聖誕節，好少人去做尖，
湯米去問咗跳舞班啲資料，好嘢，
做完尖我哋去咗食意粉屋，食完就搭 103 返屋企喇，
今日時間過得真快呀！

今朝又係較咗鬧鐘，今次將電話放在床邊，
所以聽到佢響，但係我竟然熄咗佢再瞓過，
又係瞓到十二點幾，噢！Shit！
頭先食咗啲朱古力，再寫埋張咭，
一陣仲要包禮物，就開始做功課，
四點就出街，因為今晚係平安夜嘛！
祝大家平安夜快樂！

放假喇！
本來用電話較咗鬧鐘九點起身做功課，
但係點解個電話唔響嘅？
抑或係我當時發緊好夢？
到十二點媽咪話我知她要出去時，
我才睡醒，已是十二點半了，討厭，
食三文治，和尋日在無印買的朱古力，
食晒喇，上吓網，無聊吓，
但完全唔想做功課，
拖得就拖就係我的性格呢！哈！
一陣又俾湯米話，嘻！
差唔多要去洗頭沖涼準備出街喇，

我愛星期六，亨受ing！

冬至
冬大過年
今天應該很高興
可以過去 PP1 食 Christmas Long Lunch
又可以早走兩個鐘
更可以放一連四日的假期
但是今日人卻好似呆呆哋
可能是想功課的事罷

近幾天也在想一些事
開始為自己是 Gay 而感到有壓力
是真真切切的感受到
壓力來自朋友、同事及屋企人
每次朋友飯聚時朋友總關心我有女朋友了嗎？
每次都回應說還未有拍拖
對，在說謊，很想告訴他們
很想大聲說我唔鐘意女仔
我有一個好好的男朋友
可是不是人人都接受到
很害怕看到他們的反應

不想公司的同事胡亂去猜
就乾脆告訴她們我已經有一個女朋友了
這樣反而更麻煩
她們都是八卦精
總喜歡問我和我“女朋友”的事
原來一個大話真係會愈講愈大
講到連自己都怕了
這反而令她們更懷疑

屋企人每次見到我講電話
總好似猜到甚麼似的
還是我疑心生暗鬼？！
俗語話“生仔點會唔知仔心肝”
如果媽咪真係知道就好了

很怕聽到朋友問為何每次在街上踫到我都是和男孩子一起
到情人節、聖誕節就更害怕在街上遇到認識的人
是否人長大了，就一定要面對同學會怎樣處理這些問題？

今年的冬至，如常地在家裡吃飯，但感覺卻不一樣了！