CHRIS's DIARY - QOOZA BLOG 網上日誌

CHRIS : 個人主頁 - 相簿 - 訂閱 [ QOOZA - 論壇 - 登入 ]

人氣：15713

CHRIS

暱稱： FAI
性別：男
國家：香港

最新文章

•	假期結束
•	TAIPEI PHOTOS
•	平安夜之返工篇
•	工作上的未知數
•	Farewell Dinner

文章分類

•

全部 (456)

訪客留言

最近三個月尚無任何留言

每月文章

•	2008 年 02 月 (1)
•	2007 年 12 月 (4)
•	2007 年 11 月 (4)
•	2007 年 10 月 (12)
•	2007 年 09 月 (24)
•	2007 年 08 月 (15)

日誌訂閱

尚未訂閱任何日誌

[ 訂閱此日誌 ]

好友名單

網站連結

尚無任何連結

最近訪客

最近沒有訪客

日誌統計

文章總數： 456

留言總數： 389

今日人氣： 33

累積人氣： 15713

站內搜尋

RSS 訂閱

2006 年 8 月 8 日星期二

暴躁	分類: 未分類
今日成個人都好攰，一早返到去，Anita 話 Room 2 要多個 Projector，話啲同事要做 Presentation，仲話係同 Jessica 一早己經傾好，頂，一早知道要多個 Projector 又唔早啲叫人預備？？？！！！玩嘢呀？一早要人走嚟走去，又要搵線駁，煩！今日仲要俾個男 Partner 話我，話我對啲 Equipment 唔熟，梗係啦，我點似你呀，做咗八年都係做呢個位，咩都熟晒啦！ Lunch 同同事去咗間唔知乜乜聯誼會食，好抵架，五餸一湯都係每人三十蚊！放工同湯米去做尖，出奇地少人喎，但係真係好攰，唔係咁想郁！呢排個人好似好躁咁，當遇到有少少嘢唔滿意就好忟，又好在意其他人講嘅說話，有時發覺公司啲人講啲嘢好冇品，好冇修養，唔知點解成日都鐘意講人是非同壞話！咁大個人講嘢又唔會諗吓對方嘅感受！跟住自己就會好睇唔過眼，有時見到街上面有啲人嘅行為好缺德，點解啲女人咁鐘意成日行路都一字形排開，阻晒成條路唔俾人行，啲公公婆婆成日又恃老賣老咁，好討厭呀！
發表時間：2006-08-08 11:03 PM [ 訪客留言(0) ] [ 編輯日誌 ] [ 分享至FACEBOOK ]

2006 年 8 月 7 日星期一

韓國燒烤	分類: 未分類
尋晚同湯米因為一啲事嘈起上嚟，其實我尋晚啲態度又真係差咗啲，好在今日冇事喇！雖然尋晚好夜先瞓，但係今朝起身都幾精神，今日返工冇乜嘢做，因為下個星期啲 Courses 我已經準備好晒，但係今日唔知點解突然間話聽日有個 Course 喎，其實只係我一個唔知，好憎佢哋成日有啲咩都唔同人講，叫人點做嘢呀！今日係同湯米拍拖一年零一個月嘅日子，放咗工同湯米去咗 Pacific Coffee 飲嘢同交換禮物，我收到一個又大又靚又實用嘅袋同埋一件 Tee，湯米就收到一對 Birkenstock，但係我買大咗，搞到要去換，仲要係買大咗兩個 Size 添，之後我哋就去新高麗苑食韓國燒烤喇！我覺得呢間好過嗰啲漢陽苑好多呀，又乾淨又企理，雖然唔係太多嘢食，但係就好食好多！食完飯去咗玩具鋪行咗一陣，跟住就搭電車返屋西環食糖水喇！今日去咗恒生同東亞問 Education Loan 啲資料，但係太多人喇，都問唔到啲咩？湯米話唔知佢自己係唔係一個好嘅男朋友，一時係一時唔係啦，其實我都唔係一個好男朋友，冇人可以做到完美情人，人總會有情緒，有喜怒哀樂，就算對住自己最鐘意嘅人，都會發脾氣同鬧情緒，所以呢，唔使咁介意自己係咪一個好男朋友，做番自己，大家一齊開心咪得囉！
發表時間：2006-08-07 11:04 PM [ 訪客留言(0) ] [ 編輯日誌 ] [ 分享至FACEBOOK ]

2006 年 8 月 6 日星期日

13th Month & 2nd Month	分類: 未分類
今日下晝同湯米去咗 e-house 做尖，突然間想租一個 Locker，咁以後咪可以擺低對鞋喺度囉，唔使成日都拎咁多嘢，又重！唔知要點樣租架呢？另外一個想法就係想轉過去另外一間 Gym，換吓環境都好吖！做完尖之後好肚餓，手軟腳軟咁，好似想暈咁，好辛苦！即刻去美心買咗幾個飽食，跟住送湯米返去九龍灣，因為湯米要同屋企人食飯，跟住我就去返銅鑼灣買禮物，臨返屋企前就去咗食麥記，聽日又要返工喇！聽日係同湯米拍拖第十三個月嘅日子喇，好快又一個月喇，亦都係返咗新工兩個月喇，由初初好唔鐘意份工，到宜家慢慢習慣喇，又同啲同事熟咗啲，但係始終都唔係好認同佢哋嘅做嘢方法同模式，希望快啲請到新人啦，可以有啲新刺激！
發表時間：2006-08-06 09:52 PM [ 訪客留言(0) ] [ 編輯日誌 ] [ 分享至FACEBOOK ]

Update 番晒啲日記喇 ^_____^	分類: 未分類
七月廿二日，星期六，呢日係陳慧琳生日，起咗身就即刻 send 個 sms 俾佢祝佢生日快樂，因為驚自己又唔記得！但係佢問我做咩咁早起身喎，激死，我唔係一放假就十定瞓到好晏架！呢日下晝同湯米去咗做 Gym，跟住就去尖咀 join Emily、Carmen、Mandy、Mimi 同埋 Jennifer 去食日本嘢，去咗一間叫浜嘅鋪頭食，啲嘢食每碟都係十蚊，任叫任食，但係唔係好大碟，種類都唔係太多，食到咁上吓就係送禮物時間喇，我送咗條手鏈俾 Jennifer，而同 Jennifer 就夾份送咗個 USB 俾 Carmen，湯米就送咗對耳環俾 Jennifer，另外就買咗啲 My Melody 嘅毛巾同杯俾 Carmen！之後我哋去咗麻布茶坊食雪糕，都唔好食嘅！唔知點解，總係覺得 Gathering 有 Carmen 喺度係搞笑啲架！七月廿三日，星期日，又係去咗淺水灣曬太陽，曬吓瞓吓，又食吓著片，好舒服，感覺今年好似去多咗沙灘咁，多過舊年好多！七月廿四日，星期一，今日要幫個 Partner 釘番啲 CPD Record，釘咗我成日呀，隻手好攰！七月廿五日，星期二，呢日都係做番 Daily 啲 Routine 嘢，放咗工都係同湯米去 e-house 做尖！今日梁詠琪出新碟，湯米買咗一隻特別版，一隻普通版，一隻佢，一隻我，返到屋企成日都聽住，好好聽呀！！！！！！！！！！！！！！！！！！！七月廿六日，星期三，今日有同事話 Training Room 啲冷氣好凍，又要 Call 師傅上嚟較，五十人坐喺個房度都話凍，我入到去都不知幾焗呀，低能！七月廿七日，星期四，Training Room 啲 mic 成日都話冇聲，但次次我一入到去就冇事，玩咩，你哋啲 facilitators 識唔識用 mic 架？！今日 Heidi 又話請我食飯，成日都係咁，搞到我好唔好意思，其實我幫你做嘢係應份架喎，同埋我唔係好受人恩惠呢套架！送外賣個阿伯態度勁差，事緣我有啲嘢做行開咗，咁啱佢又送外賣嚟，咁佢打我個內線冇人聽喎，咁我出到去拎外賣時佢就勁寸我話你個咩電話嚟架，打極都冇人聽，搞到佢等咗好耐，頂佢個肺！宜家唔使做呀！有咩理由送外賣嘅仲惡過個客架！？抵你咁老仲要喺咁熱嘅天氣出街送外賣，冇禮貌抵你成世都係做呢啲工呀！夜晚 Set 房 Set 到六點幾先走，之後去曬燈同做 Gym，少人，超好！七月廿八日，星期五，返工時超大雨，濕晒，今日放咗工同湯米去咗佢家姐屋企瞓，因為佢家姐去咗北京，湯米買咗 Destiny’s Child 隻 Concert DVD 睇，好悶，都唔好睇！七月廿九日，星期六，天氣仍然係好差，一時大雨，一時細雨，湯米落咗街買麥記早餐，好食，下晝我約咗舊同事，所以湯米同我入咗去元朗，約咗 Tracy 同 Candy 喺元朗千色廣場等，之後再一齊搭小巴入去 Candy 間屋度，嘩，六百幾呎租五千蚊，又靜，幾好吖！但係好似話其他嗰啲租三千五架咋！跟住就幫佢哋整嘢食喇，搞沙律，整波蘿腸仔，整三文治，我只係識做呢啲咋，哈，晏啲 Flora、Winnie、Karen、Anita、Apple 都嚟到喇，Flora 仲帶埋佢個仔仔同老公同埋工人嚟，而 Candy 個老公又啱啱好返嚟，可以食嘢喇，都幾多嘢食呀，食唔晒，一路食一路傾，可惜阿 Nick 同病咗嘅 Shelley 嚟唔到，到差唔多十點就返去九龍灣喇！同湯米睇咗隻叫只愛陌生人嘅 VCD，套戲都幾悶！七月三十日，星期日，今日好好天喎，但係我同湯米都瞓到好晏，起身食咗啲嘢，跟住睇咗六樓后座，我想睇好耐架喇，但係比我想像中冇咁好睇，好似冇乜共鳴咁，戲入面一班年青人趁後生想做咩就做咩，唔通青春真係大晒？！之後又瞓吓食吓，又睇碟，十點就返屋企喇！三日兩夜嘅同居生活真係好開心，其實兩個人嘅生活可以好簡單！七月三十一日，星期一，今日有啲同事過咗 Bangkok 做 Training，個 Office 又少咗啲人，又係好靜，今日 IT 有人嚟教用一個 software，叫 Microsoft Powerpoint Producer 2003，又要做多嘢樣？？？放工準時返屋企抖吓！八月一號，星期二，今日 Jessica 同我傾吓 so far 我做嘢做成點，傾完之後我覺得佢唔係一個好嘅 supervisor！無奈！八月二日，星期三，今日個男同事拎咗啲婚紗相返嚟俾我哋睇，真係慨嘆攝影師又或者係攝影技術嘅神奇，將一個其貌不揚嘅男人可以影得超乎想像的好，幾貴都抵啦！同事個家姐整咗啲曲奇上嚟俾我哋食，好好味喎，一百分呀！今晚本來約咗 Sunny 食飯，但係落雨取消咗，次次都係咁，唉！八月三日，星期四，做完尖返屋企收到 Poly 嘅信，收咗我喇，好嘢，但係要喺十五號之前 Register 同埋交第一期學費，一萬六千幾，好貴！煩惱中！八月四日，星期五，今日勁有效率呀，一個人執咗三間房，同埋準時放工，陪湯米過咗百利攞褲，跟住去咗行街，買咗兩件衫，好平咋，七十幾蚊一件，好耐冇買過衫喇，對上一次應該係喺二月喺泰國買喇！之後去咗椰林閣食飯，一般啦，跟住又行咗一陣，之後去電影中心睇戲，係國際短片節，套戲叫好男人‧「好」男人，又衰咗，又一次揀錯戲，好悶，我以後都唔會架喇！今晚竟然見到 Gilbert 喎，意外！八月五日，星期六，本來諗住早啲起身去銀行同埋去買禮物，但係又唔知醒，唉！同湯米去唱 K，跟住去買牛仔褲，以後又多一個地方去買衫喇，去咗睇軍曹電影，好好笑，但係冇以前睇飛天小女警咁好笑，哈哈，喺街度見到 Gary 喎，隔離個女仔唔知係咪阿秋呢？去咗 188 行，食完飯就返屋企喇，尋晚係咁喺度打日記，打到十二點幾先去沖涼，沖完涼執吓嘢到差唔多兩點半先瞓，頭先十一點就起身喇，又喺度 update 番啲日記，*終於 update 晒啲日記喇！嘩哈哈！^.^*
發表時間：2006-08-06 12:52 PM [ 訪客留言(0) ] [ 編輯日誌 ] [ 分享至FACEBOOK ]

Poly U Interview	分類: 未分類
七月十四日，星期五，今日終於取消咗 Netvigator 個 now 服務，唔使再俾佢收多我錢，今日 ITS 有人嚟教我哋點樣 Set Up 個 Video Conference，以後要用就要靠自己喇，冇 IT 人喺度 Stand by 架喇，唉，有啲擔心添，但係一日唔自己做過，又真係唔識嘅！唯有抱住學多樣嘢嘅心態去做啦！今日收到 Poly 寄嚟嘅信，叫我下星期三去 Interview，突然間覺得好緊張呀！七月十五日，星期六，今日去咗曬燈同做 Gym！七月十六日，星期日，同湯米去咗睇超人，其實我真係冇乜興趣去睇呢種戲，但係知湯米鐘意睇呢類戲，所以就去睇，毫無期望咁去睇，但係比我想像中還要悶，都唔刺激，有啲地方仲有啲牽強！但係個票房好似有成二千幾萬，點解呢！？今日仲去咗買生日禮物俾阿琳，全部嘢都係 Chip ‘n’ Dale 啲嘢，有人字拖同毛巾，全部都可以喺屋企用架，其實唔係想買人字拖架，係想買公仔頭好得意嗰啲毛拖鞋架，但係搵唔到，但係最激氣係之後某一日喺 Sogo 竟然俾我搵到！吹到啤一聲！七月十七日，星期一，今晚又有 Summer Lecture，要六點九先走，跟住都返屋企喇！沉悶的星期一！！！七月十八日，星期二，今日 Terence 叫我下星期個 Course 嘅其中一份 Handout 要放大印做 A3 size，因為有個弱視嘅同事嚟上堂，我第一個反應就係問咁佢平時點做嘢架，平時啲文件都唔會特別放大俾佢睇架啦！真奇怪，但係公司絕對唔可以因為咁樣而歧視佢！放工如常同湯米去做尖，又係好多人！七月十九日，星期三，朝早請咗半日假去 Poly interview，好早就去到喇，唔知點解遲嚟嘅人可以見先，到我見時好緊張，又係兩個 interviewers，一個外國女人，一個本地男人，個女人好 nice，但係個男人就有啲寸，佢哋都係問我點解要讀 HR 呀，覺得 HR 對一間公司有咩重要，個鬼婆就問我讀完書之後會唔會留番喺宜家間公司做（有咩關係呀？）又問我同時做嘢同讀書有咩 negative aspects，鬼唔知會少咗啲私人時間咩，咁都問！完咗 interview 就返屋企喇，仲趕得切去麥記食個熱香餅，真係好好味！晏就返工都唔係太忙，五點九度就放工過去旺角同阿琳、阿 Joe、問米婆同大雄食飯喇！去咗王家沙食，同阿琳預祝生日，啲嘢食好快就上齊，好快又食完，但係好似叫得太多，食唔晒，要打包，今晚問米婆同周大雄成日密密斟，而阿琳同阿 Joe 又佢有佢哋傾，搞到我好似搭枱咁，唉，九點幾就走喇！七月二十日，星期四，今日老細話胃痛，唔返公司喇，但係佢下晝要去 Exchange Square 教書，搞到我要拎部 Laptop 俾佢，連 OA 嗰份都做埋，但係都幾好吖，可以出去行吓，抖吓！放工去做尖，知道 Raymond 聽日就要飛去上海做嘢喇，所以約咗佢去飲嘢，原來佢仲未食飯，於是去咗太興，坐咗陣就走 lu！七月廿一日，星期五，今日去咗洗牙，洗完牙同湯米去咗書展，好多人排隊入場，但係入到去就唔係好多人，都唔係好迫，湯米買咗本地圖同鄭伊健本相集，本地圖好好架，介紹埋邊區有啲咩玩同有咩好嘢食，而我就買咗萊斯寫梁祖堯嘅書，行到十點就走喇，好攰呀！
發表時間：2006-08-06 12:03 AM [ 訪客留言(0) ] [ 編輯日誌 ] [ 分享至FACEBOOK ]

« | 61 | 62 | 63 | 64 | 65 | 66 | 67 | 68 | 69 | 70 | ... | 92 | »