今日 Phoebe 繼續因為屋企有事請假，Terence 又因為屋企發生事而要請假返大陸，Jessica 忍唔住講句：乜咁邪呀，咁多人屋企人有事，真係大吉利是，今日 Office 如常地嘈，但我只係靜靜哋做我自己的工作，冇理佢哋，就係咁，平靜地渡過咗討厭的星期一啦啦啦！ Lunch 去咗銀行交學費同換過一本新存摺簿，跟住去 Zara 買咗件 Tee，因為我又唔記得帶衫去做尖，之後再去麥記買飽，一個鐘的 Lunch 可以做到咁多嘢，都幾好用！ 放工過咗 Poly 交 Form 同埋攞學生証，再過番海去做尖，做完尖搭車返屋企時覺得好唔舒服，好暈，唔知點解宜家搭車好易暈，以前都唔會咁，唔通呢啲就係叫做“暈車浪”？？？所以宜家好多時一上車就寧願合埋眼瞓吓好過！
今日同湯米去咗太古城 UA 睇“香水：一個殺人者的故事”，最初抱住好大期望去睇，以為會好緊張刺激，同埋覺得個故事幾特別，利用殺人去製造香水，但係一開場知道個故事發生喺十八世紀的法國，興趣已經減咗一半，跟住啲人同境又唔好睇，個主角又唔吸引，故事的重點都唔係講點去殺人，有啲地方仲好荒謬，又不知所謂，個結局更加令我有一種“吓，唔係呀化”的感覺！早知去睇太陽之歌好過！
今日收到 Katherine 的 sms 原來尋晚佢的二公子終於出世喇 喺度再一次祝佢個囝囝身體健康 快高長大，肥肥白白，聽教聽話 今日同湯米去曬燈 見到有個男仔連續曬兩 Sets 出到嚟塊面紅晒 我諗一定會好痛喇 之後又係去咗 988 食嘢 我食咗個炸雞脾薯條加鮮油多 湯米就叫咗個滷水雞翼薯條 跟住就去做尖 我哋今日又跳咗 BC(1) 跳得好咗，但係好攰 夜晚去咗朗豪坊睇盛夏光年 未睇之前聽好多人都話套戲冇小說咁好 又驚自己會睇唔明 但係都 OK 喎 覺得幾好睇，幾舒服 慧嘉喜歡正行 正行喜歡守恒 守恒卻與慧嘉走在一起 其實結局有點不明白 守恒是不是一直都把正行當作好朋友？ 守恒是不是因為害怕寂寞才做了那麼多曖昧行為而令正行有所誤會？ 如果是的話，守恒真是很自私 因為他傷害了正行 而慧嘉知道正行喜歡守恒 她又為甚麼要和守恒在一起呢？ 最可憐的是正行 看見自己喜歡的守恒和好朋友慧嘉談戀愛 戲中有兩幕很喜歡 一幕是守恒打藍球受傷到了醫療室 他問正行剛才在球場上和慧嘉談甚麼 他就好似在吃正行的醋 好得意 另一幕是當正行知道守恒和慧嘉拍拖 衝上巴士，一個人喺度喊 我覺得張睿家比張孝全演得好呢 有一種很純的感覺 而張孝全就有點傻氣 而楊淇就一般啦 沒甚麼大感覺 今晚和湯米行去巴士站時 又激嬲咗湯米 已經連續第三個星期六差啲同湯米鬧交喇
尋日下晝 Phoebe 接到個電話 之後佢就好似話屋企有啲事 要走先 Terence 同 Judy 話佢走時仲有啲想喊添 大家都諗佢今日唔會返 但大家都估錯 但係佢成朝都好似好唔開心咁 冇乜點講嘢 我喺 Communicator 問候咗佢 佢下晝又有啲事要走先 喺度希望佢心情快啲平復啦 今日放工同 Gloria、阿單同埋 Raymond 去咗德興打邊爐 請埋阿單作生日飯都係百六蚊 任叫任食，都幾抵吖 今次我最早到 仲幫佢哋叫埋嘢食添 算係咁啦 其實都幾唔明 點解次次佢哋講嘅話題都係圍繞住取笑 Gloria 同埋 Queenie 聽一兩次都仲好笑 但係聽得多真係唔再好笑喇
今朝Shanice 突然叫 Admin Team 同 Production Team 開會 主要係講番 Deloitte Institute restructure 完之後大家嘅 Roles 同 Duties 開完會之後大家都更加清楚自己嘅 Role 喇 放工去做尖，好少人呢 做尖前去咗 988 食嘢 食咗個蛋丸餐 有魚旦牛丸米、煎雙蛋、多士同埋一杯嘢飲 好豐富呀呀呀
