數學都考得唔錯.聽日係常識同中作,我好驚!!常識要記,中作又驚唔夠時間作.

狼狽追巴士

今日放咗學之後同幾個fd去行街,落雨啊!!個天真係唔識做..

跟住有個fd話要走,咁我咪同佢去搭車囉,,跟住行行下有架車開緊黎,佢見到就話:[有車黎啊!]未講完佢就向住前面果個巴士站跑去.

唉,,跑到紅綠燈到,架車都準備要走啦,咁我地咪行返去果頭搭囉,點知行幾步,又有架車黎.唉,,佢又向果到跑去,跑得好鬼快啊!!

佢連傘都唔要,自己一個係咁跑,我就係後邊跟住佢跑,我喊:[救命啊!!]又一邊跑一邊大喊:[xxx,你好變態啊!!]果陣仲落緊雨

佢跑跑下連鞋都甩埋,唉,,真狼狽,最後架車都係走咗,,失望..我同佢講唔好行去果頭等啦,係呢到等好啦.

結果我地等咗20分鐘先有.

今日英文都ok,不過老師一開始就用咗5分鐘黎解題目俾我地聽,其實都唔使解啦.

佢最後又唔俾返5分鐘我地喎,搞到我篇故事仲未寫完.真係衰衰!!

希望老師唔會減好多分啦!!