好悶哦可

大家睇左咁多篇都係世界跳繩錦標賽D野

(其實根本冇人會follow XD)

放心, 呢篇係最後一篇

因為跳繩

我錯過左好多

亦因為跳繩

我亦重拾番唔少

小學既時候錯過令自己既跳繩技術變得更強既機會

錯過為學校比賽、甚至入港隊既機會

中學既時候有賴校方支持成立到跳繩學會

重拾番以前跳繩既樂趣

畢業之後year 1既暑假錯過左報讀教練班既時機

搞到要勞煩Miss Chung 搵個街外人教一年

浪費左跳繩學會上上下下一年享受跳繩既時間

(竟然整整一年連個似樣D既校內表演都冇T.T)

直到整個2014年

我都好似離唔開跳繩呢樣野

好似重新對跳繩燃起一股熱誠一樣

3月上一堂既基礎課程

5月就讀教練班

7月尾8月頭做世界賽工作人員

終於, 黎緊9月開學我就會番陳瑞芝做教練

我必須將呢一整年學到既野

毫無保留咁用黎經營呢個當初由自己創立既跳繩學會度

每一堂學藝班, 每一次排練表演, 每一個舞台演出

都將會我既大日子

陳慧琳 - 大日子

從前的我, 說實話, 有點討厭韓流

總覺得韓文聽不明白

那麼理所當然的, 韓文歌和韓國節目就不怎麼吸引

以往絕大部份的韓流資訊都是因我姊上網聽k-pop 睇韓劇

令我二手地吸收到的

曾經有一段時間

我對k-pop的形象停留在少女時代和Super Junior

後來我在小學教班也好

與陳瑞芝師弟妹閒聊也好

都發現韓流已深入現在的學生群

他們都是聽k-pop 和看running man 過日子的

這樣的話我就想

如果要與學生們打成一片

或是引起他們的共鳴

看來跟從韓流是不二法門

於是我就開始涉獵這些韓國潮人潮事

現在不可說是沉迷

但幾乎固定的每個禮拜都看新一期running man

同時會找一些合用的k-pop 舞曲用來日後編排跳繩表演

之不過誓估唔到

呢種韓風吹到黎世界跳繩錦標賽

完全冇誇大成份

如果你問我成個世界賽邊一隊最受歡迎

相信絕對非韓國隊莫屬

事關running man 同k-pop 係helper 們同佢地既共同話題

lee kuang soo........... kim jung kook.............

一講就笑

一笑, 乜野都可以傾一餐

而當中有幾名參加世青賽既少女最受矚目

(背景: 整左容, 坦白承認, 並視作平常事

其餘性格上心態上與普通少女無異)

寫包單的說

只要competition helper 冇野做

你就會發現佢地響韓國少女既身邊XD

不過比起佢地既樣貌

我更注重佢地既實力

當中有兩位的表現我特別留意

一位叫Yi Su Min

另一位係Hwang Na Hee

Yi Su Min 係亞錦賽三重跳既紀錄保持者

亦係上屆亞錦賽freestyle 冠軍

今次黎到世青賽公開組freestyle 得到第8名

響亞洲運動員當中就排第2, 算係唔錯既成績

其中令我最佩服既係

亞洲女仔跳繩運動員黎講佢雖然比較高(同我差唔多)

但係前後繩既跨下跳可以連接得好順暢

而Hwang Na Hee 響上屆亞錦賽初出茅廬

我注意到佢心理質素好好

每項比賽都好冷靜, 好少失手 / kick 繩

頒獎禮開始之前我仲讚佢表現好穩定

祝佢上到頒獎台攞牌

點知偏偏佢就係表現太平均

兩項速度耐力賽第6, freestyle 第13

結果總成績排梗頸四

是但一個單項排高一名都可以攞第3

認真可惜><

我同呢兩位先後地互相add 做fb friends

期望日後仲有機會睇佢地既演出^^

2014 Korea Rope Skipping Demo Cup

作為hospitality helper

我原本只需在28/7 至 3/8 之間工作

但由於這個暑假我刻意讓自己悠閒

結果就在26 - 27/7 兩日也幫忙到機場接應外國跳繩代表隊

指示他們到Poly Hung Hom Hall 的方法

朝11晚7, lunch 自決, $500一日

薪水不是特別多, 機場膳食費用高昂, 又要呆在機場一整天......

當人人都以為這是豬頭骨般的工作時

我就得告訴大家

我在那裡收獲到的絕不是金錢可媲美

就是因為接機,

能認識外國運動員的機會多了

在世界賽中經歷到的故事多了

可以讓我回憶的東西也就多了

第一個驚喜來自一同接機的搭擋

不多, 只有兩個人

一個是我, 另一個叫張淑欣

沒錯, 是陳瑞芝的同屆同學, 打排球的路加人張淑欣

世間真細小XD

細小到我原先對這個名字一點懷疑都沒有

直到去接機前在Poly 見到真人

「哈，原來張淑欣是這個張淑欣」

第一天1:00 左右我們各自處理過兩班比利時代表隊之後

就要等3:15才落機的瑞典隊

這時就有一個外國臉孔的叔叔走過來跟我們一起等

那是瑞典隊中一位女孩的父親

偶爾會來香港工作, 北角是他在香港的住所

那天特意向公司請假, 就是為了到機場接女兒

或多或少有delay, 加上行李、簽證等等問題

瑞典隊直到5:30左右才出現

與我們一起苦等了多個小時的瑞典父親

甫見到女兒就興奮地揚起藍底黃十字的國旗

女兒亦馬上走過來與父親深情擁抱

在旁的我差點落淚

最開心的是到了世青賽

這位女兒在內的瑞典隊女團獲得了總成績冠軍

瑞典父親全程做座上客觀看女兒比賽

頒獎禮又現身為女兒拍照留念

正宗大團圓結局, 溫馨~

瑞典隊之後又一令我印象深刻的是瑞士隊

那是包括coach在內只有5個人的隊伍

雖然他們未必是最competitive 的一隊

但像家人一樣的感情

對整個event 的享受

都是我非常appreciate 瑞士隊的地方

而一對姊妹花Selina 和Lara 對香港的好奇心更是難忘

接機當日一見面就問我八達通怎麼用, 多久要增值一次, 要到那兒增值

又說以前未見過雙層巴士, 不知道是否要"商務車票"才能到上層坐

到了紅館又拜託了他們的country helper 寫下他們的中文譯名

Lara 與香港隊換了隊衣後又問我衣領上的"香"和"港"是什麼意思

Selina 則問過Swiss wings 為何叫Swiss wings

(傳說中的瑞士雞翼XD)

這種文化差異的體驗真是有趣

參與公開組比賽的他們雖然表現未如理想(19隊中排第17)

而隊中唯一一個有參與個人賽的Simon

亦未能達到賽前所想躋身前十的目標, 僅以第26名完成

但他們每次盡全力完成一個項目後的微笑

往往跟其他歐洲國家選手比賽後那種辛苦模樣形成強烈對比

"為享受跳繩而全力比賽".................

"為爭取佳績而全力比賽".................

瑞士隊給了我前者的感覺

所以我不求回報的 (明知道他們已沒有東西可換給我的)

在世界賽最後一天割讓了兩件staff T給他們

當作給他們的最後support

讓他們在香港過一個完滿豐收的旅程=]

哈哈, 想起來還有很多很多有趣的東西

比如是澳洲的傳統舞蹈

總是在頒獎禮開始前表演一番

讓國家代表們一同high 起來

又例如比利時軍隊式打氣手法

模式大抵是先大喊一聲Belgium,

然後低音hoo hoo 兩聲, 最後用力踏地兩次

氣勢~

WRSC 2014 World Cup Champion - Team Hong Kong

這次想表達的是

希望向香港跳繩運動員其中四個單位讚好

第一是男團Super Master

其二是女隊Super Linda

其三是港隊隊長朱仔

最後是表演盃團隊

以前小時候只會將跳繩定位為一種喜好

一個我很喜歡很享受的課外活動

直至我一個個小學師弟妹加入港隊

一個個在全港, 亞洲的賽事屢獲佳績

我才發現那是香港運動的一個新的里程碑

2012年的世界賽

我師弟周永樂在內的男團Super Master 贏下了總冠軍

隊友中能力最高的何柱霆當年拿下個人總成績世界第三

事隔兩年

他們成功蟬聯了男團總冠軍

何柱霆正式登上個人賽世界第一寶座

我師弟首次參加個人賽亦已拿下世界第五

打從上教練班的時候

我已開始留意身後的你們練習

那種要衛冕冠軍的心理壓力

那種對提升個人技術的追求

在這次世界賽我全都看在眼內

你們每次的演出都在告訴我

這是你們的時代

你們是香港的驕傲

其實看著自己的師弟登上世界賽的頒獎台

我也不禁問問自己當初的堅持跑了哪裡去

與我同屆的任安千禧跳繩隊成員基本已各散東西

而跳繩只在我們成長的過程中留下一點歡笑

但是比我年少一歲的師妹們卻告訴我們

跳繩, 是他們唯一要抱緊的事

四位師妹畢業後加入了香港花式跳繩會

組成了Super Linda

多年來一直為港隊出戰

今屆世青賽拿下了交互繩速度接力賽銅牌

那是用汗水換來的一點實質鼓舞

鼓舞著背後數之不盡的一起練習的時光

有人歡喜有人愁

對港隊隊長朱仔來說

這次可能是多災多難的一屆世界賽

男團的隊友比賽前一日出水痘

幾番轉折先出到賽

去到正式比賽偏偏又發揮失常

速度耐力賽也好交互繩freestyle 也好

沒有一次能以零失誤完成

而這段日子作為hospitality commitee 既繁重公務

更令朱仔根本無法以最佳狀態出戰個人賽

尤其是朱仔這種玩一屆少一屆的n朝元老

即使仍然有獎牌落袋

不能以最好的表現完成比賽也是一種可惜

but anyway 不管我的身份是港隊粉絲或是你的下屬

我都以你這位港隊隊長為榮的!

很高興能在這次世界賽認識你, 並與你工作~

最後的表演盃連接著閉幕禮進行

看過賽前排練, 我完全感受到今年香港隊要在主場贏的決心

到了真正比賽的時候,

香港隊不但沒有怯場

而且幾乎做到了所有部署

亦成功帶動到主場觀眾的氣氛

默契的走位看得人眼花瞭亂

繼續發揮香港人無限的創意

舞步能有效配合歌曲

令表演更具連貫性, 而且富有香港特色

花式難度低了但穩定性相對提升

明顯是汲取過上屆花式難度太高而頻頻失手的教訓

當到了最後一句歌詞

全場觀眾都跟香港隊一同"Stand Up"

那一刻, 我就知道香港隊終於一吐兩年前的烏氣

就連坐在我隔離那行的黑妹葉姵延都忍不住起身振臂歡呼

半年的排練, 一個成為世界盃冠軍的夢想

香港隊, proud of you all ! 繼續加油!

Robynn & Kendy - 思念是一種病

一個世界賽, 92面獎牌

試問各位

香港人有那一項運動能達到這樣的成就?

沒有其他, 只有跳繩

然而, 香港人對這項運動認識不大

很多人仍然感覺跳繩只是簡單的活動

還會把運動員專業的演出形容為"厲害的雜耍"

這種態度對他們絕對有欠尊重

而且有別於一些會有即時賽果的球類運動

運動員所得的分數需要裁判核實後才能公佈

這或多或少令跳繩比賽欠缺一點刺激感

毫無疑問

港人對跳繩運動的愛好程度實在太低

從我眼看所見

無論是世青賽抑或是世界賽

觀眾都是寥寥可數

最多觀眾入場, 氣氛最好的一次

恐怕是張敬軒擔任閉幕禮表演嘉賓唱歌的時候

唱完歌之後d helper 仲要衝去後台影相

完全唔記得左咩叫緊守崗位

(算啦, 後生仔女嘛)

用四個字形容張敬軒的話, 應該是喧賓奪主吧

不過, 樂觀一點的說

今次世界賽響香港舉行

總算向香港人"兜口兜面" 咁sell 左一次跳繩

成績有目共睹, 政府繼續視若無睹, 實屬自然不過

我並不奢求什麼普及跳繩

反正這次成績如此驕人

一定大把家長想捧自己個仔做下一個世界冠軍

而且繩總轄下好幾個屬會一直都係港隊輸出者

近幾年keep 住供應可以橫掃獎牌, 破亞洲紀錄世界紀錄既港隊代表

只要家長們繼續投放D細路去學花式跳繩

香港的跳繩力量應該會越來越大, 整體質素越來越高

既然本地的運動員培訓已經不成問題

下一步就是如何面對外來的激烈的競爭

最恐怖的當然是中國隊

僅僅兩年的轉變, 已大大威脅香港亞洲一哥的地位

先是在世青賽最後一日賽事的下午

打破了香港隊在同日上午所創的單人繩30秒速度賽的紀錄

然後是世界賽三重跳耐力賽

僅敗於著名澳洲Jumper Luke Boon 的新世界紀錄奪銀

可見中國隊開始向世界展現其地獄式訓練的成果

尤其在這種考驗速度、耐力的賽事

中國人的訓練強度以致進步效度恐怕是其他國家無法媲美的

需知道中國人民族意識強烈

輸, 佢地真係唔怕

就係怕贏完一次下次輸左, 之後番上大陸分分鐘連戶籍都冇埋

而日本作為香港在亞洲賽的老對手

在今屆世界賽亦總算成功挑戰了香港隊的地位

世界賽單人繩30秒速度賽一同以103下的新世界紀錄奪金

其後的交互繩雙人速度耐力賽更壓過兩隊香港代表登上冠軍寶座

在比利時和澳洲等跳繩強國開始轉而專注爭奪公開組桂冠的情況下

預計中國隊和日本隊將成香港隊男團的心腹大患

咁多年黎我都以為首歌係叫花花世界lol

陳慧琳 - 花花宇宙

世界跳繩錦標賽2014 於香港舉行..............

當我知道呢個消息之後

我就開始用盡方法得到所有有關既資訊

難得香港作為主辦城市

非常慶幸自己能夠以工作人員既身份參與呢次世界賽

為香港推動跳繩出一份力

每一個工作人員都有佢忙既時候

我作為一個hospitality helper

主要職責係賣紀念品同幫手頒獎禮既事

由28/7 果日開始, 直到3/8

朝10晚11是基本

每日企十個八個鐘

相比起其他類型既工作人員

hospitality helpers 真正要做野既時間恐怕係最多

需知道頒獎禮既開始往往代表住每一日比賽既完結

而且賣紀念品既地方都響比賽場地外

我地能夠欣賞比賽既機會實在太少

我幾乎每一日都要捕捉最好既時機

一到重要賽事 / 香港隊上場比賽

就鼠入去睇去支持佢地

對於我呢種跳繩狂迷黎講

可以欣賞每一個運動員既表現先係我最大既心願

幸好銷售部團隊明白我對睇比賽既渴求

適當時候都會比我放縱

明知我離開崗位去睇比賽都毫無怨言

真係好多謝佢地

其實整隊hospitality 既團隊入面計埋我其實得兩個比較熟跳繩

本來頭幾日大家都好踴躍去睇比賽

但係慢慢佢地就覺得個個jumper 既動作都一樣, 開始覺得悶

umm....... 只能夠話佢地未係好睇得明質素上的分別

希望呢次世界賽之後佢地仲有機會去更加認識花式跳繩

講番hospitality helpers 既工作

作為銷售部少有既壯丁

我通常都只係負責搬搬抬抬, 開檔擺貨, 賣哂就補貨咁

響舉行世青賽既麥花臣我都一直只係聽order 做野

直到去到紅館我真係開始有D頂唔順銷售部對D貨既處理手法

D貨周圍都係, 成日要響store room 翻箱倒海搵貨黎賣

終於我花左1粒鐘自己一條友響store room 重新將30箱貨分好哂類

T-shirt 由細至大分箱疊起

手帶預備定一箱有齊所有顏色

唔洗下下搬5箱唔同顏色既出去賣, 毛巾亦然

第二朝銷售部主管Florence 見到store room D貨整整齊齊

分好哂開檔要拎邊D出去, 都忍唔住講左句"阿Tom真係好做得野"

我知自己聽英文同講英文既能力唔高

而且口才唔叻又冇興趣呃D外國人買貴T同劣質毛巾

所以能夠一勞永逸咁整頓好哂D貨已經係我響銷售部最大既成就

響紀念品攤檔唯一我比較有用既時候就係同中國隊溝通囉

事關我既普通話竟然係銷售部團隊裡面較好既一個

至於頒獎禮既部份

世青賽我係負責按次序排好D獎牌同攞個盤托住佢比嘉賓頒獎

手板眼見功夫啦

世界賽我就負責響頒完總冠軍果時一聽到國歌就禁制升國旗

事前得到紅館幾位場地部既師父教路

零舍得心應手

睇住頒男團、男子個人總總軍同世界盃冠軍果支香港區旗

由自己控制一路慢慢升上去

心情真係非常激動

我可以好驕傲咁話比所有人聽

香港跳繩係真係得既

呢幾日冇錯係好忙企到好攰

但係總算一路見證住香港主辦世界跳繩錦標賽既一點一滴

再辛苦都係值得既

就算每一晚明明話走得(但係其實一定仲有野做)

我都堅持留低幫手汁埋野搬番好哂D枱櫈

周不時陪伴我地班helper 左右既世界賽籌委會兼香港心臟專科學院秘書Daisy

仲有hospitality helper 既召集人兼港隊隊長朱仔

兩位對我工作能力既肯定真係令我非常之感動

佢地叫我做 "盡責Tom" 三個大字

令我感覺到自己真係有為香港舉辦呢次世界跳繩錦標賽而付出過

呢個experience 絕對係once in a lifetime

倘若亞洲賽響香港舉行

我都一定會以做工作人員作為首選

繼續支持香港既跳繩運動!

張國榮 - Stand Up

我有病

未算好嚴重

但係好需要趁這個暑假休息一下

是日有位大學朋友生日vincy koon

他曾約我在這個暑假食飯

但冇乜野既話

我連街都唔想出

就在這兒祝他生日快樂 =]

周柏豪 - 現在已夜深

完成兩天中一小組討論班的導師工作

經歷了很多開心事

1

我負責教既1C班竟然有兩個女仔一早就識

一個係泳會既師妹

另一個係我兩年前教過游水既學生, 依加都響泳會度練水

2

今年既學生大膽左

明明佢地之間只係識左一兩日, 但係已經好friend

at least 討論時好肯講野, 唔會怕怕醜醜咁

對比上年得張恩婷張恩晴兩個一樣樣既女仔係度對話

今次整組都有參與討論, 更有氣氛

3

休息既時候D學生係咁問我學校D野

幸好做慣GP

即使畢業左兩年都總算回應到佢地既疑難

這種對新校園生活的憧憬

真係十分青春XD

4

趁完結既時候得到蔡sir 慷慨借mic

等我可以上台講兩句

統計一下想參加花式跳繩學義班既人數

出乎意料是有整整30人首選跳繩班

我見住一隻隻舉起既手真心O左嘴1秒

開6個學藝班, 但係想參加跳繩既佔左全級中一既四分一

5

我果晚急不及待將呢個消息響fb發放出去, 想話分享下喜悅

但係冇耐孫sir 就現身叫我del post,

話未係時候, 又唔係官方數據, 唔應該公開

(雖然我一度想反駁冇公開學校名應該冇所謂掛)

不過乖乖聽話點都好D既

畢竟學校行政呢家野我無辦法干涉

唯有繼續聽命於佢地既安排啦

這樣跳繩學會才有機會活得更長久

AGA - 一

自從上年暑假開始幫一本足球雜誌寫稿之後

小弟發現自己一字一句都值一兩個錢XD

加上近期實在有D懶散

咁所以今年對於Cocktail 既表演

我既意見會簡短番少少 (其實簡短左好多)

視覺效果同音色都專業左

不過小弟唔係好熟你地前後兩首英文歌

你地表演之前小弟好似只係聽過一兩次, 印象唔多深刻

所以唔係好聽得明你地個鋪排既心思, sorry sorry

不過, 好聽係必然之事

Peggy D高音依舊招招見血

鍾正既beat box 仍然出神入化

那誰+弱水三千的編排亦盡顯Max 哥功架

總結: 呢D咁高質素既表演一年聽一次真係唔夠

Cocktail - Performance in SCC (04-07-2013)

又到左一年一度, 畢業之後一定唔可以錯過既SCC才藝表演

除左一直流行既唱歌、跳舞

從以往既武術, 話劇, 朗誦

加上近年小弟有份參與 / 編排既跳繩

到今日既夾band, acappella, 甚至係搖搖

各式各樣既表演引證瑞芝人才藝既多元化

以陳Wing 為首既跳舞表演

揉合左hip hop, ballet 同現代舞

元素多之餘舞步設計又幾緊扣類似"花'咁既主題

其實好專業好精彩

只是可能大家都看膩了跳舞表演

同時今年新加的學生評判未必懂得分辨水準的高低

令表演者失去應得的鼓勵

夾band 既隊伍"白頭龍"走團結男神路線

帶動氣氛的舉止相當唔錯

但係我覺得要留意Hazen Chan 同朱榕既歌聲明顯stood out 左出黎

未來要注意下四位負責唱歌既男孩子唔好太各自為政

令成個band 可以更似一個組合,

而唔係好似有四個主音輪流唱歌就收工

至於搖搖表演

主角陳文義查實係小弟既GP仔

但係我識左佢咁多年都唔知佢有呢個才能

今日可以勇奪冠軍好大原因係因為第一次有呢類表演, 新鮮感好高

情況就同當日的跳繩表演一樣

三人表演笑位設計得唔錯

只係技巧展示果方面要多加留意

好似搖搖咁一件焦點咁細既物件

有多D close-up 鏡頭會好睇好多

e.g. 兩邊screen 可以駁住個camera

然後放大表演者的手部動作同個搖搖

又或者直頭落台近距離做果D花式比觀眾睇

謝安琪 - 雞蛋與羔羊