天氣開始涼了

請大家多穿一點衣服

不要像有鼻敏感的我

稍一不慎又狂打乞嚏

生日過了兩天

點過?

做下野又訓下覺咁囉XD

丫, 同埋樹海晏晝請我食左餐飯囉

幸好冇乜特別慶祝

之前仲turn down 左一次家族bbq

同埋funfunfun proposed gathering

實情真係冇時間冇心情享受人生

依家越黎越覺得自己響中學既經歷要響大學重覆一次

事關學業上隨年級增長, 越黎越力有不棣的感覺XDD

做功課實在有欠效率

既然學業不得意

新一年唯有建立新目標

近排考緊跳繩裁判

雖然仲未考試, 但係已經feel 到好難合格

不過考唔考到唔係重點

過程中總算對現今跳繩比賽既rules 認識多左

相信呢個裁判course

對我為SCC跳繩學會準備參加學界有一定既幫助

自從人面全非, 加上制度大改

天水圍既功輔班已經冇咁好做

稍為experienced 既導師得番小薯三兩隻

有D導師有功課唔識教夠膽死叫D學生問我都有既

有D導師鬧人雞仔聲, 完全大唔到個細路

自問自己都唔係做得最理想

不過質素真係低處未算低, 唉

唯有繼續本住救得一個得一個的心態啦

咁樣對自己教學、課室管理技巧上既成長

以及對學生學習、行為、自理既成長都有莫大既裨益

大左一歲, 目標將更focus 於自我增值同工作上

Fighting!

胡鴻鈞 - 等一個人

因為美斯(Messi)

(fyi: 著名足球員)

西班牙皇家語言學院將Inmessionante 一字

納入字典當中

泛指才華橫溢, 令人留下深刻印象

<<我係小廚神>> 中的Janice Tam 譚曉琳同學

能給我這種感覺

對於自小烹飪(因沒有堅持而導致現在手藝徹底生疏)的我

她絕對是那個年齡層中一個廚子的模範

真希望還有機會看到她下廚呢

只可惜這類真人show 在香港仍然不夠成熟

不然比賽更有系統的話, 小孩子們亦會學得更多, 成長得更好

有空的

不妨聽聽謝安琪新專輯<<Kontinue>>

蠻有趣的, 既有個性, 又有意識形態

謝安琪 - 十倍奉還

請不要廣傳

anyway 有人睇先算

我生於一個政見.......怎樣說.......比較"特別"的家庭

父(如果在家)便會怒斥泛民、帶頭佔中等輩該被槍斃

姐在家會高談闊論上街的人無知

母還未發火, 但反正只要是有機會威脅人生安全的事她都會喝止

基本上沒發言權的我在家裡不能用說的

但我還是會默默做我認為對的事

我很清楚

我的使命是教育下一代

我還是會把我現有的教育工作放在第一位

教繩的酬勞雖然不多, 每一次只會有三數百

但希望這微薄的金錢所換來的物資

能為堅決守護香港的你們帶來一點支持

Kolor - 生於憂患

是晚放學回程西鐵終站遇見疲乏孫希

受其啟發, 首次開腔

儘管去做你認為做得對的事

有些事現在不做, 一輩子也再沒機會做

正因我們肯爭取

光輝歲月才等我們

Beyond - 光輝歲月

要更有系統

要管理得更好

係咁多

Leessang - 不能分手的女人 不能離開的男人

人地離鄉別井唔覺唔覺三數個寒暑vincy

番到黎香港都係想見下大家

超有心咁整埋月餅

想約你響屯門食飯

你兩個高尚學府學生

夠膽死一個話響屯門食就黎唔到孫仔

一個就say 哂no 話唔好去屯門食wah

唔知仲以為你有屯門恐懼症

唔該搞清楚邊個係主角啦

番屯門真係咁委屈你你咪唔好join 囉

係

你兩個絕頂大忙人

係都要窩響你個高尚學府既宿

為你個莊

為你既公務

為你既學業

個腦生到咁聰明最後都淨係識為自己著想

睇住一行行既wtaspp 事態發展

我淨係諗到呢個世界無端端多左個女仔

為左見朋友拎住一袋二袋月餅搭車出旺角

強迫自己心靈上既所謂愉悅掩蓋phycial 層面上既辛苦

一個願打, 一個願挨?

哼

如果唔係呢個圈子既女孩子一直維持多年來既果種無限包容

如果我唔係果種超級無敵冇人會認同冇人會理我講咩既小薯仔

我一早開咪鬧鬼死你兩隻野

堂堂男人要班女人就你地

你地冇可能會知醜, 但我絕對心酸

好彩既話

呢篇qz 過幾日就會有留言

寫住don't be angry

Max Chan - 當我沒有你

Year 3 先至第一次讀唔到自己想讀既科

很幸福是吧

敗給了無情的online add drop 系統

過去兩年的選科程序都是很有人情味的

一開始reg 唔到自己想讀既科唔緊要

只要開sem 既時候去攞張add drop form

只要個prof. 肯同你簽個名

只要你響期限前交埋張form

programme matter 先生就會即刻say yes

幫你reg 番你想讀既科

今個sem 有一科GE叫 The Pursuit of Happiness

快樂的追尋

我本來好想藉住呢個course 份功課

分享我點樣透過跳繩去追尋快樂 (好似好型咁XD)

點知sem break 果陣reg 唔到

於是開sem 第一時間去填張add drop form

過程亦都非常順利

prof. 非常樂意簽個大名落我張form 度

我亦都醒醒目目咁鞠個躬然後飛去交form

心諗教院呢個單純既世界仍然係我心目中所剩無幾既樂土

誰不知過兩日個programme matter 先生打電話黎

話GE Office 話淨係接受online add drop

我張form 宣佈invalid

而且呢科響online add drop system 既quota

是個風雨不改的0

你知我唔講粗口架啦

呢種情況用"晴天霹靂"或者"無可奈何"黎形容大家應該冇異議啊可

認真怨氣衝天

明明一個咁有人情味既老師都唔介意收多個學生

點解我地要屈服響一個唔應該介入教學自由既電子系統呢?

Max Chan - 刺．謂

其實發生咩事

點解FB又出現番"打20個其實"既活動

其實有一個人我由上個sem 開始

到今個sem break 已經撞過幾次 daisy lui

但係見到面之後唔知點解都係喂一聲就算

好似冇以前咁close 咁=[

跟住有個大同粒聲唔出走左去exchange

(其實都有D端偽, 事關佢就係7月25日生日果位大同

之前仲係咁想搵我出黎食餐飯

就係咁, 我地要下個sem 先見得番)

唔通真係一去不返?!

逝去感情如何留得住的說XD

Dear Jane - 一去不返

個人認為自己係一個友情網絡廣闊得黎比較低調既人

估唔到冰桶挑戰全城熱潮左差唔多成個月

終於都燒到黎我度

無可否認今次通過社交網絡黎達到做慈善既目的

手法同效果都相當唔錯

不過睇得多都發現

有唔少好似為左玩先做呢個"挑戰"

所以先衍生我響拍片既時候講果段甩甩cutcut既英文既念頭

我唔想再nominate 其他人

因為我覺得一D要做, 或者想做呢個慈善既人

其實應該一早做左

唔洗等人點名啦係咪先

講番少少段片講過既野啦下

珍惜自己既生活

珍惜自己擁有既一個健康既身體

last but not least

娘親, 生日快樂=]

My Ice Bucket Challenge

蔡依林 - 我知道你很難過

陳瑞芝足球隊暑假最後一天訓練

承接每年的傳統

由校友隊與現屆學生進行友誼賽

又一年lu

由師兄幫手練我地

到我地做埋師兄幫手練師弟

到我地既師弟做埋師兄幫手練師弟

師兄們師弟們, 下年, 希望仍然可以湖山見 :D

孫sir 與過往一樣

選擇在最後一天探班

他順道正式通知我

總共30多位中一同學報了跳繩學藝班

(順帶一提, 報名西樂團的只有寥寥數位, sorry miss au :p)

這個消息推動我要繼續為跳繩學會大小事務作準備

近排整個生活好似都係得跳繩咁

唉, 下個禮拜開學

又要忙add drop D野

希望順順利利reg 得番自己想讀既科啦 :)

Kara - Jumping