首先要講句感謝神先,點解會咁樣講?因為今日約左個巴士迷去新記的青洲廠同北安廠影巴士相,再加上今日的天氣雖然好熱,但能夠有陽光,唔會好像上星期咁.如果今日是下雨的話,分分中會影響行程.真的是感謝神!講完呢度,再講番自己的興趣,就係巴士.自己覺得次次影巴士相都好像無點樣準備過,只係得一部200萬像的手機,雖然200萬像的手機都係相機,但影落的質感都唔係咁好,所以自己係暑假真係想買部500-1000萬的相機影巴士相,除左影巴士相,仲可以影其他的相.如人或風影等.因為發覺自己係以前都無點影過相等等,可能想瀰補番以前的的唯憾啦!雖然唔知得唔得,但自己都會去嘗試一下.
成個星期的下雨天終於都完了!真的是有種"新的開始"的感覺,今日能夠再次見到太陽伯伯,真的不是必然的,好多時人就係咁,你覺得有個樣野是應該的,但見到四川地震中,好多人失去家人,朋友等等,咁呢D係算點呢?自己今日打電話比一位係高三留級的女同學,想關心佢的近況,但佢都無聽我的電話,莫非別人一定要聽我的電話麼?所以,希望可以諗下啦!
好耐搭巴士都好少有呢個激動,點解?因為係媽閣等巴士返屋企時,見到部新記的28B出左部單門小巴(MITSUBISHI ROSA R215)行28B.自己諗都唔諗就上車.當自己上了車後,就諗返起以前成日可以搭呢D有"車頭位"的小巴的回憶,哥種滋味是多麼的開心,同埋諗起當年自己對巴士毫無認識的我到宜家的的巴士"學問"多麼的高.雖然宜家新記的很多路線用哂大車,令呢D車好少行,但我想講的係當各位有的時候要好好珍惜,否則你想再珍惜的機會都無了.
