上星期二自已同媽媽返大陸過新年,之前媽媽同我講我公公都差不多要離開呢個世界.當時已經有哂心理準備.但是,自己真係估唔到我公公係年初三(即01月28日)離開左呢個世界,當時自己個心真係好驚,因為當時仲有D表弟同表妹係婆婆家中,加上自己對家鄉的喪禮儀式真係好多野唔識(因本人是基督徒),容易因呢D儀式失去見證,再加上我哥哥當時不在澳門,當時唯有祈禱交比神.但感謝神的是家中的家人都知道我是信耶穌的,因而可以避免一是與信仰有衝突的事情,真的是感謝神!而自己對人生真的是變化莫測的,再加上幸福不是必然的.所以,希望各位在有得珍惜身邊的人時候要好好珍惜,否則想真惜的機會都沒有了.

我宜家寫緊的時候已經係大年初二了!都要講番呢句:"恭喜發財!",在宜家寫的時候,我個BLOG的畫面已經係唔同左的.原因是想新一年換一個新的畫面,可以提醒自己新一年要有新的做事方式,不要再用舊的方式去做,所以希望新一年能夠有個好的開始的了!而在昨日的大年初一,除左早上返教會參加一年一次的新春崇拜外,而下午同晚上則和朋友去行街同去爆炸燃放區睇人玩煙花.但睇人玩煙花已經心都有D驚,仲何況真係玩的呢?莫非自己太耐無玩煙花先造成?咁就唔知的了!

話咁快已經又過左一年了!首先祝各位新年快樂!主恩常在!讀書GA學業進步!做野GA工作順利!自己係近排因時間問題都好少寫野.希望新一年都可以寫多D啦!說回正題!昨晚年三十晚,同左一位舊朋友走去行年宵,跟著就去筷子基搭"通頂線N2",自己真係估唔到一搭就搭左兩轉,可能係平時少搭的關係,所以一搭就要搭返夠本,仲同個司機吹水吹埋一份.真係開心!

感謝神!不知不覺話咁快已經到聖誕節.相信各位應該知聖誕節係記念邊個出世的日子,就係主耶穌基督降生的日子.而自己由信主到現在的都有好多年了,雖然知道聖誕節的意義是怎樣.但是,自己對聖誕節的氣氛開始感到無咩,甚至可能覺得聖誕節係為慶祝而慶祝.但是,經過昨晚去一位老師的教會聖誕晚會後,原來自己對聖誕節真係要為記念耶穌,不應該為左玩而玩的.而自己希望在中學的最後階段能帶領更多人信主就好了!

時間真係過得好快咁!話咁快高三的畢業旅行終於都完了!在這六天的旅程中,除左參觀一些"例牌"的景點,如故宮,天壇,頤和園等景點外,還去埋水立方,鳥雀等等地方.同埋在星期一早上5點幾起身去天安門睇升旗,雖然在電視機睇了很多次呢D儀式,但自己真真正正係現場睇,感覺係不同的.而相片稍後送上.而明天都會講畢業旅行的事情.