感謝神!自己係呢幾日有野要忙的原故而無寫.今次會講補考的第一炮----普通話.神真的有帶領我,係補考的過程中雖然緊張+害怕會講唔好,但最後都能通過合格.雖然仲有英文+數學,但自己會將呢兩科都交比神去搞掂的了.

今日係7月17日,聽日(7月18日)就開始補考的日子,聽日就係普通話的口試,雖然驚講得唔好,但將呢個交比神幫我搞掂.但去到7月19日,22日同23日的英讀,文法同數學唔知點咁,因為如果唔得的話,真的會重演高一時的"重讀",自己近排係訓覺都會發惡夢夢到補考唔得的下場係點,搞到而家的我表面唔驚,但實際上就....................你地自己想一想,雖然自己係呢兩科(特別係數學)都全力去溫,但唔知升唔升到高三,真係好驚.但自己感恩的是可以將呢D野用祈禱交比神,同埋自己要努力溫書的了.

本人係星期五要開始補考去到星期一,第一科係普通話,由於自己的普通話的水平實左"太好"的了,所以自己要搵人幫我"補習"的了.但感謝神的是有人幫下我,今日係第一日幫我溫,雖然教的人搞到我有點"激氣",但都可以學到普通話的講法,真係辛苦得來有點值得的了.如果係的話請為我的補考禱告.

感謝神!自己係一連8天參加學校的英文營終於完結了.但最後係7天,因為昨日因暴雨警告的關係而取消.但自己係呢7個下午所學的野雖然唔多,但自己從中懂得去講英文,實在是一個難得的機會,在今日的閉營禮上,估唔到自己見到一個相熟的高三女同學,雖然佢宜家畢唔到業而去台灣讀先修班.但是,比自己的一個提醒是係高三一定要"博到盡"去讀書,否則到時後悔都唔得了.

感謝神!今日無端端多左半日假期,唔駛返學.因為今日落雨落得好勁,搞到要掛暴雨警告.咁點解要感謝神呢?因為自從要返夏令班+早禱會+4小時的英文營+溫補考的野,已經搞到好疲倦,難得今日可以放半日假,用來訓下覺都已經好好了.再講番巴士,五年前的今日(即2003年7月10日)係香港發生左一單開埠以來最嚴重的巴士車禍,可能好多人都知(如果唔知的話私下問我),造成21死20傷,估唔到呢件事話咁快已經五年了,成為巴迷的我從呢件事發生後一定要好好珍惜身邊的人或物,否則真係好後悔的了.