7月和8月,自己的教會在每日早上7點30分都有早禱會,而自己今個月都要返夏令的關係都有返左教會先返學校,在今日完左早禱會就搭34返學校,當部車去到狗場(筷子基北街)有個十字路口的時候,係我部車前面有兩部私家車發生撞車,自己當時的心情無端端變我心急,由於要係9點前返到學校,再加上當時係8點40-45分左右,於是車長比我地落之後,就同兩部車的女司機大鬧"搞錯呀!人地唔駛返學呀!唔可以私下解決咩!",之後鬧完後就無奈地返學校,但感謝神的是最後都無遲到返學校.但自己係後來咁衝動係唔岩的,如果萬一發生咩事點呢?如果係咁的話,自己會失見証呢?希望下一次可以唔好咁衝動!

感謝神!自己可以係暑假讀夏令班,如果無意外的話,呢次係中學生涯中最後一次讀夏令班,雖然唔知會唔會升到班,但自己一定要珍惜宜家有的野,否則想珍惜都無機會了.係上星期+今星期都參加左學校搞的英文營,初時同一D外國人講英文都會好驚,但是,如果肯大膽講英文的話,相信自己的英文水平會提升不少的了.

原本今日自己都好累,唔係咁想打,但自己昨晚睇我呀哥的畢業典禮後,都有感受.點解?因為估唔到自己教會大部分的弟兄姊妹同牧師一家都去學校找我呀哥影畢業相,自己當時都在場,當睇到呢個場面真係好開心+感動,再加上自己無意外的話會高中畢業升上大學的生活,雖然唔知前面的路會係點,但相信有神的"照住"下,必定會帶領我行呢條路.好希望自己在明年今日可以有咁的場面,如果係有的話真係好開心.

今日係巴士體驗工作的最後一天,下午係青洲廠度搞左個分享會,有D公司高層出席,之後就比左張證書+兩張該公司高層的卡片+一個新記信封+一張致富50元禮卷.雖然呢幾日係無人工出,但感謝神的是可以對身為巴迷的我更加有認識,應該再唔係"半桶水"的巴迷,同埋自己忽然有個想法,就係想同人搞個巴迷聚會+巴迷會,點解?呢個會係聽日再講.最後,岩岩上網CHECK達標工程的成績,感謝神可以比我合格,雖然唔知分數係點,但可以比自己有個交待了.

講聲SORRY先,因為本人昨日實左太疲倦的關係,結果就早訓左.講番昨日第二日的巴士行業體會,昨日就去左維修部了解一下公司的巴士維修情況,雖然自己係巴迷,對呢D野已經有了解,但聽完青洲廠的維修主任的介紹和詢問關於巴士的野,估唔到一講就講成個幾兩個鐘,咁就對自己的巴士知識有更多的收獲.而到左今日就去左關閘一嘗做站頭的滋味,原來哥度比想像中真係好熱,點解?因哥度係地底的,再加上通風的關係,搞到哥邊的天氣好熱同好焗,今次真係感受到做站長的感受原來係咁.最後,在收工後搭3仔出教會,而該車的車長問我關於 巴士行業體會的野,最後咁就識得一個車長了,今次巴士行業體會真係比我有驚喜的了.