琴晚同禎傾電話~傾到訓著左~

只記得自己拎住左個電話無講野~好眼訓~拎左8,9個字咁上下~

我就訓著左~唔知果陣幾點~1直訓到朝早6點幾先醒~

醒左之後~就將個無曬電既電話拎去差~

之後訓返係張床度唸野~唸到老豆起身返工~

我專登打開房門同老豆傾幾句計~好似好無耐傾過計咁....

傾左無幾分鍾佢就出左門口了~那一刻心底裡有種無形的失落感~難以形容~

老豆出左門口之後~我就開電腦~訓返落床度~聽下歌~

開電腦果陣~發現我"訓黎頸"~條頸超痛~

唔知訓攪果陣~點樣整親~我咁大個仔只試過2,3次"訓黎頸"

到中午再一次起身既時候~msn問阿聰出唔出去食野~

因為我屋企無野食~出左去新都城食小甘井~

食完行左陣~之後聰黎左我屋企~玩左陣ps2~之後佢去打波~

我唔想去~所以留返係屋企~同老媽食飯~

∼love today∼

成晚無攪好訓~醒左好多次~好無奈~

10點幾同阿禎去左大家樂食野~佢岩岩睇完醫生~

希望個傻婆記得準時食藥~

食野果陣~再一次證明左~我專心做緊一樣野果陣~

係唔可以俾人嚇親~例如俾人哈一聲~

飲緊野~俾阿禎哈一聲~差d噴曬出黎~

食完野~上左我屋企~睇戇豆先生~

7點幾就陪佢返屋企~

PS：

發現體能需要加操@o@ 每樣加最少20%數量丫要@0@

而且今日發現有某部位嚴重缺乏訓練@0@ 真的要正視丫@.@

給禎：

妳係第一個可以令我咁開心既女仔~我好喜歡同妳係埋一齊果種感覺~

妳亦係第一個可以令我成日都心掛掛既女仔~只要一無野做~靜左落黎~

心裡頭就會好快咁浮現出妳既麥頭~（仲未同妳一齊果陣已經開始發生=o=）

就算e+見面~每次我心跳都總會加左速~

妳係唯一 一個我成日發夢都會見到既女仔~雖然d夢~我好多都唔記得了~

但我永遠都唔會忘記你呢個傻婆既一舉一動有幾傻~

（一定不是我令你變成這樣＠０＠）

還有=.= 妳令到我=.=.......真的幾乎晚晚擦牙=_=

雖然現在不是每晚也能記起~.~ 但真沒想過~.~ 我會這樣~.~

到11點幾左右~唔知邊位親戚黎左屋企坐~

阿媽勁拍門~叫我出去叫人~嘈到咩咁~簡直係精神轟炸~

我完全無理~抗戰到底-_- 佢一路拍-.- 我一路訓-.-"

最後都俾我訓得返~~

下就2點幾~老豆話要去西貢-_-....我第一個話唔去-0-

之後到阿媽反對-0-" 阿妹就話要出街-0-"

結果老豆話自己一個去（佢真係5點幾∼自己一個人出左去游-.-)

而我就3點出左門口∼去又一城~同聰睇神奇四俠2~

(條粉皮-_- 踢拖出去-.-")

連聰都覺我地有問題-.- 呢排成日見-.- 

咁所以我呢個月都唔要再見到你-.-" 你同我消失@o@ XD~

出左去6個鍾多d~9點幾返到屋企~

PS：

又一城戲院係收唔到電話o_o"

阿媽今日去完深圳舅公果度之後~返到屋企就開始對我有怨言~

先講人地d親戚既仔女~不斷話我無鬼用~叫我睇下人地~

我無應佢~習慣了~

再夜少少~老豆返埋黎~阿媽係度講錢~

係度話我對屋企完全無貢獻~幾千蚊邊夠屋企用~

跟手阿媽仲同老豆嘈左幾句~

無眼睇~亦唔想理~所以返左房~返到房~

阿媽已然係門口出面不斷轟炸我-_-" 好難頂-.-

要自己將d氣谷住谷住-.- 都真係幾難受-_- 但佢係阿媽-v-" 沒法子~

入左房~聰msn話要吹海風~結果同左佢出去~

今次唔係坐了~係訓了~望天空~傾下計~

這是我看上天空時~沉思了很久的想法~

漫無目的的生活~就好像航海~而沒有指南針一樣

如果我的生活剝去了理想~夢想~幻想~那我的生命只會是一個空架子~

只有年輕~是我們唯一擁有權利去編織夢想的時光~青春只要一經典當~永不再贖

向前走吧！偉＊去找你想要的生活吧~最多的夢去對面未來！

只要不失去方向~我就不會失去自己！

呢篇野我補打左2次o_o 睇過的再睇多次啦XD

今日起身之後~同老豆去飲茶~仲有阿妹~

老媽子要返工~所以無出現~飲左粒幾鍾~張單百幾蚊~

飲完茶~3個都有野做~

老豆去馬會~佢送錢去馬會~已經成了習慣~無眼睇~

阿妹返屋企換3~同男友出去旺角~(呢排佢男友成日上黎)

成日俾佢見到我個煨鎖樣~

我就同阿聰出去買3同褲~我話要買短褲~我唔要著長褲~

阿聰遲大到~我等左半粒鍾有多~

呢半粒鍾~我係地鐵站~坐左係度睇d sms~

由差唔多100個~俾我del到得返3x個左右~

一個一個咁睇~真係用左半個鍾黎del~真有趣~

最後整返果d~幾乎全部都係阿禎~3月中係醫院同我send的sms~

唔知點解~就係唔想del左果d o_o~呵~

見到聰之後~分別去左apm同新都城~(去左apm先的)

我買左對nike鞋~仲有2條短褲~1件T恤~1件背心~

總數多謝1700蚊-_-...（超過曬我原先個預算.....）

我唔可以再咁樣洗錢法=_= 呢個幾月~我差唔多洗左皮幾野=.="

咁洗法-0- 洗多排真係俾我洗曬d錢=v= （我身家已然係一個迷o.o XD） 

希望琪小姐~話介紹我果份工~有著落啦@_@ 唔該曬-0-"

回埋琪小姐~

你講既自由行~日本之旅~的確好吸引到我~而且一皮野已經夠曬玩~真係好平~

不過我都係唔去啦~sor~1黎時間太突然~咁快要出發~我心理準備唔到~

2黎~同你d fd唔熟~3黎~好想某個人可以陪我去/_\...可惜佢無時間去/_\

一切都等待下次吧~thx you~

同阿聰攪到6點就返屋企~

我返到屋企6點幾~沖涼~有試下d 3褲~同埋做掌上壓~

(今天的掌上壓次數o_o 有點瘋狂了o_o 3位數o.o）

因為今次買呢件背心o_o 係我初次主動買的第一件背心o_o

因為o_o 我要o_o 係跟著既夏天中o_o

將有線條的肉都展現出來~oh~God~~~~~ya!

10點幾了o_o 仲未食飯o_o e+去食@0@