今日因為亞婆 & 亞公係大陸出左黎, 我地晏晝去完飲茶,之後

陪亞婆去行街買衫...(都咁大年紀啦,仲咁鍾意shopping買衫)

買完之後上左姨媽到坐~!之後等表姐出黎,一齊去街市買野打邊

爐,第一次打邊爐食番茄,原來都幾好味咖!不過就要揀岩番茄啦!

今日一早起身就要去深水埗到跳Step,原因係要參與一個名為千人跳Step大行動!!跳完11點左

右,就坐學校為我地安排既旅遊車去大埔參與義工活動,我地去左一間餐廳到食lunch,之後再去

隔離間糖水店到食糖水!之後就番去做義工,我同kabe & joey一組,去探一個姓鄺既婆婆!!!我

地送左一張卡&一袋禮物俾佢,同佢傾左一陣,就要走啦!之後我就同joey去左上水食飯撐木台腳

今日放學番黎訓左陣,就去左表姨屋企幫表弟補習,補到7點半左右,

 就即刻趕去上水廣場搵亞明,sorry ar 遲到!!!!係搵亞明之前見到

 Homer,同佢傾左一陣,佢叫我俾電話no.佢咁我又冇諗得太多就俾

左佢啦!之後就同亞明係和花亭到食晚飯!!佢係咁我拎壽司食,驚我唔

飽掛?!因為我地唔係太肚餓既關係,所以都唔係食左好多!亦都因為我

坐正風口位,佢又拎件衫幫我褸住背脊!!大約9點左右,佢叫我陪佢去

機鋪打機,話整係打一鋪…咁我就陪左佢去啦!入到去佢又叫我坐係佢

隔離,睇左佢玩左一次,佢就陪我塔車番屋企啦!凌晨3點幾收到Homer

 sd黎既message,搞到我醒左呀!當時真係好憫呀!真係講粗口...END

 19.10.2007    BBQ with YMCA 同學仔(重陽節)

21.10.07    Last dat in G.sushi (番工見到君)

22.10.07    韓燒 in Tai Po (with 亞年,豪仔,肥波,佢個fd,小台) 多謝亞年請食飯!!

 今日要收尾呀!放左工同左芷婷&寶平去食消夜,途中見到澤明,係咁叫我請佢食壽司

我都幫唔到你,你估好似M記有6折咁咩!!!之後因為同寶平太多野傾,所以搞到連最後一

班273A都走埋我地係到諗究竟塔N270定係塔的士既時候,買左杯野飲,最後決定係

行路番屋企!一路行一路傾,行到粉嶺火車站,見到好耐冇見既君 & MANA!傾左幾句,知

道亞丙.maggie.milk係欣盛個公園,就梗係行快2步啦,希望見到佢地終於都見到佢地

啦,同亞丙講左一聲"生日快樂"就走啦,我都好想同佢地傾計咖,不過因為岩岩放工又行

左咁多路+上芷婷又係我隔離,我唔想因為我一個搞到佢俾佢亞媽鬧呀!所以就決定走啦