昨日既陰天雖則涼快，不過不時既毛毛細下，令我覺得好唔自在，例如我發揮唔到水準，更得人驚既係同細佬對打，我打到細佬右手手指公既甲面，之後我細佬係反擊既時候，同樣地打中我右手手指公，佢好好彩係比我砍正甲面，我就冇咁好彩，係砍中肉!
呢個兄分之間既對打，我相信除左真係比賽場上先有得再之外，其餘既時間都未必有可能再打，因為講真我同細佬互打，會傷同一個地方既，而且會係是旦一個會大傷，不過我慶祝既係，我零願傷既人係我，傷得多既亦都係我，我都唔想大傷既係細佬!
咁用新武器，難免係有點打到唔知點既情況，我更出現武器自傷既情況，咁我既古月柳刀有後勾，我尋日亦都試過自已鈎到!
silver亦都係同帕gap上山玩槍，不過我自己覺得上山齋開槍真係冇咩意思!就算係打靶，我自問真係頂唔順咁悶!
之後同sky打左場圍攻戰，我覺得武器比我更有信心向前推進，以前拐真係好短，雖然走位可以好快，但係對一枝長既武器，的確係一件艱難既事，好多有同我一齊習武既朋友，包括我細佬在內都覺得我用既雙拐的確係好難用，講真我學左3個月雙拐，的確係覺得好難用，但我唔放棄雙拐，始終係雙拐教識我用古月柳刀，冇雙拐都唔會有我今日!
咁尋日係山上面，旦丁冇同我打，因為佢有武器要鑄作，係幫我老友sky去將一把劍加大手位!咁旦丁作為武器維修員，佢當然識整啦!最後sky都好滿意佢既小作!
係練習其間，我既古月柳刀亦都出現一d小情況，就係外層皮斷左，咁呢d當然係小問題啦!旦丁佢就教左我皮繩既扎法，亦都係咁，我同佢一齊合作，咁就做好左啦!
之後我就同成班fd一齊就去左sky屋企鋪頭耀記食晚飯，咁就sky set左一個dinner，就係蒸白鱔、蝦丈炒通菜、豉油雞、蒜蓉炒蜆，以及一個老水拼搬盤!咁我都覺得幾有水準，開業5年多，水準很強!最基本一杯凍奶茶都已經好好飲!
sky既鋪好簡單，就咁樣都係一家4口做哂全崗位，店仔細細，設備不錯!講真有幸既話，生日去佢鋪頭搞下生日會，反正我同sky生日好近，兩條友都係相差3日!以前細個就係屋企開生日會，又或者再細d，去老麥生日會，又或者出去食餐好既!不過而家少好多啦!我都好少去同屋企人過自己既生日，又話者同我媽同細佬過，講真屋企今日家不成家，我都冇興趣再係屋企過!我零願係出面同班fd飲下酒吹下水，簡簡單好開心咁過就可以!
|
