我表弟為為今年已經7歲啦!唔經唔覺佢都咁大個人!今日我就同我細佬、阿媽、阿姨同埋為為表弟去左旺角嘉禾睇，咁就睇左功夫熊貓，曾幾何時我都有係戲院睇過卡通戲，不過呢個都係好耐既事!
咁今日去左睇戲，又食下野咁啦!之後又係新世紀廣場睇左一個以奧運為主題既lego展，lego亦都係我小時候幾喜歡玩既玩具，不過之後就掉左啦!都係一個幾係我小時候一個遺憾，因為lego真係比到我有好大既回憶!今日望返，有一種久別重聚既感覺，我細佬當然開心啦!因為又係佢挑戰攝影既時間，咁佢亦都影左唔少lego公仔，由其係lego版鳥巢同水立方，不過佢就話場地燈光唔夠光，搞到d公仔唔夠出既色唔係太靚!
另外我又係大眾搵到本好書，就係叫「李小龍制敵防身術」，有d野講得幾深入!不過我覺得幾好睇!而且我覺得同sky教我個d理論好似，所以我覺得sky真係冇教錯我，亦都好好彩係ive遇到佢!更好彩既係，係大眾呢本書100蚊，圖文有齊，抵!呢本書我真係好想同一班練武既老友既分享下，好好睇!
之後我同細佬就去左表弟屋企玩，我同左班「嘩鬼」一齊玩下，唉!班嘩鬼經常尖叫令到我真係覺得耳仔受罪，不過同小朋友玩，都係一個樂趣!鍛鍊到一個耐性同埋將思維簡單化，的確令自己係平日複雜既思維放低，感覺好舒服!
咁去到表弟屋企，亦都係同我阿姨食飯，我阿姨煮左咖哩薯仔雞，蒸馬友，同有碟菜，幾好食ar!
最有趣既係，我諗起我表弟屋企有兩把木劍，亦都係佢而家7歲啦!係一個學武既黃金時間，見有器材，咁冇理由唔用把劍既!亦都好開心既係為為幾喜歡劍!可能佢睇得超人片多，超人又或者萬能俠個d都係用劍，更好彩既係，我同細佬雖然唔係用劍，亦都冇用開，更加冇練過...但係我地都好多時去sky到，劍亦都係我地兩兄弟對得都幾多既野，亦對劍有唔少認知，基本手持方式、動作、運用都有了解，咁就可以教到為為一d基本野!
咁我地今日教左佢最基本既持劍啦!我地一開始見佢都係唔正確，用左持羽毛球拍(=持刀)既方式，咁好簡單...中國劍唔同西洋劍，西洋刀劍基本上持法一樣!中國劍唔同，中國劍係7字手持劍，可以選擇性單食指7字，又或者雙指式食指中指7字，當然邊隻好用，雙指式定d，單指式就靈活打快戰會好d!
為為學得都幾快，至少佢今日做左一個開始，佢揸劍唔會再係傻更更咁用持刀既方式!最令我驚訝既係，佢好勇敢!我有幾位朋友都係學劍既，由於7字手既揸劍，都幾容易打中手指，亦都幾痛ga!佢唔怕，對住我同細佬兩個老表，用到齊眉棍咁大枝，出奇地佢唔怕!呢個都幾令人費解，因為正常一個人，見到長兵器都有d顧忌!我開初都有係一樣!當然呢d係第一日學武既事，但係今日我已經唔多驚!
我相信今日教為為係一個好開始，希望佢真係有心學，唔係玩玩下!
|
