今日我冇去街，亦都好慶幸我冇去街，因為今日突然間有一場好大既雨! 

咁今日，我一起身，望見窗外既景，依然都係好曬!我心諗:今日都係曬到仆街個隻!但係我諗都諗唔到，食完一個午飯之後天色變暗，亦都係一陣陣既雨風!我探頭出窗外，簡直係覺得可怕!我諗唔明點解會有咁既問題?

之後我同我老豆一齊合作收衫，我就感覺到真正既雨真正要黎!最後係一陣陣既雷響之下，雨終於落啦!

曾幾何時，落雨同女友係街到跑，落雨同女友玩水，打波，擁抱我何嘗未試過，每次落雨同一個回憶，可惜我今日依然都係單身，我可以講既係，我覺得自己好似被遺棄左，講真欣賞我既人唔多，至終我今日好多技能唔係一般會接納!

我可以好簡單去講一個例子，我好鍾意行山，但往往女仔只會喜歡一個打波叻既男仔，我只可以講我數手指lor!又或者我打wargame，打wargame對於女仔係一個幾可怕既運動，d女仔又係零願打波!即係我可以講，我既生活圈子，對於現今女仔好難會接受到，講真個個身嬌肉貴，又有幾多個真係玩得挨得，坦白講我唔喜歡大小姐，我喜歡一個好動既女仔，而唔係係成碌木好靜個種!

亦都係，我唔喜歡平淡既生活，講真我會悶死個種，但係女仔依舊都係愛平淡!換著我係處於一個亂世，我更開心!我喜歡戰爭!