尋日同今日我都去左sky屋企同佢共事一件cosplay既衫，以往佢做既多數係三國無雙既人物，當然佢最喜歡趙雲啦!的確我睇過佢以往既cosplay相，咁佢的確係幾有心機!今年我有幸可以欣賞佢既手藝，咁既然黎得佢屋企，我亦都唔介意同佢一齊做，當係一份對老友既支持啦!

今年佢玩突破，搞源義經!源義經，一代日本人心目中既戰神，即係中國人喜歡趙雲一樣!的確日本仔既史書記載，源義經既畫像真係幾靚，咁我都覺得源義經係幾強既!當然我喜歡既都係孫策!

我幾欣賞sky個d手工藝，即係佢係做得有原則，雖然有時趕工求其左少少，但係呢做既近似值真係好足!當然你問我做成點，我當然唔答你啦!

自問做勞作真係一般水準，當然亦試過有參展畫作啦!你問我做勞作做咩最開心，我會話係泥膠，泥膠可以做得好真，亦可以好求其簡單，因為泥膠需要技巧唔多，做得開心既就可以啦!另外係畫畫，我唔太喜歡國畫，因為好講筆法，幾難!素描話易唔易，話難唔難，但我最怕既係畫球體帶反光，即係銀珠個d!我喜歡畫既係加插畫，即係原來幅畫有d咩，我仲要加多d上去!

講真我其實都好想我既興趣會有多d朋友欣賞，正如武術既，身邊識武術既人真係數得哂!好簡單cosplay既sky從中真係好多朋友，我自己真係覺得朋友唔多，亦有好多係平時食玩冇問題，落實做既真係渣流躂!