今日我好早起身，因為我今日去同波叔去觀塘聽一d電腦server既講座，講真開頭我真係冇咩認識，最主要既係server野我真係唔熟，電腦電話都仲話有d野講!

Paul叔其實係我媽既朋友春怡姨既老公，總算佢都係睇住我大!咁佢都本身係做開呢一行，公司細細，但係工作範圍都唔細，我可以講既係全港性!比起係上水送外賣既公司更大...

咁今日聽講座，講座入面有好多我唔識既名詞，當然我入到去真係成舊飯咁聽個產品導師講完一大輪我唔知係咩既名詞!咁都係頂硬上啦!講真香港好少做UPS既公司，UPS唔係做速遞，而我而家做呢一行，就係做一d系統既網路，即係搞network既，另外就做一d系統後備電源，例如好簡單yahoo咁，我做既就係例如系統個d server，咁我就要為呢d控制室系統定期check server，換後備電池，裝新server之類!而家我就係呢一行既學徒，就會跟師傅周圍去學野!

波叔佢旗下既建泓公司，佢呢間公司名都幾搞少，因為佢個仔係叫建泓，我覺得改得幾好!公司set既位置係火炭，的確係人生路不熟，我極少踏入火炭呢片土地，咁今日去過一次，都記得點行既!

而佢既公司無意中係發現原來有一位我既中學同學，即係黃慧君(wendy)，應該同我讀禮賢會既人都識佢係乜水!咁就公司入面jimmy師傅、春怡姨佢地兩公婆，仲有WENDY，咁我就覺得幾開心啦!因為就係一個容易相處既環境做野，至少我做事既時候，叫一聲都知點叫好!

好啦!聽日返工啦!但就要面對一個客戶既，仲要出到中環，講真我真係有D擔心，始終自己新手，就算熟人底下，我都唔想搞到出羊相，希望我支持得住啦!雖然有jimmy師傅會同我一齊上陣，但我都係驚驚地!