今日一朝早就出現左一號風，我唔知到好事定係壞事，好事可能係我有時間同機會休息下，不過唔好既事就多囉! 

1. 尖沙嘴既問題依然未得到一個解決既方案，全公司都覺得頭痛...(冇咩錢搵但又要做餐死，都唔知為咩?)

2. 手頭上有好多工作未完成，例如上水污水廠既UPS，到今日都係死機，依然未得到一個良好既處理方法，或者考慮送去EATON處理。

不過今日亦都大開眼界，我同波叔去左香港寛頻既葵涌分支站，入到去涼快!因為d server全部都係有得涼冷氣既，22-23度既室溫，好ar!舒服!

亦見到千千萬萬既server櫃，亦都覺得好壯觀，因為我未見過咁多櫃，我以前雖然都見過，都係幾百!但係而家我見到既係過千，可想而知，呢個境況何其宏偉!

另外呢，呢個地方係代表住葵青/九龍地方既連接，入到去其實都幾驚個背囊撞到野!雖則地方闊大，但都要確保自己行得小心!

黎緊我會係呢個地方做一個較大型既工程，我就諗都開心既，難得黎到呢個咁特殊既地方，因為呢d地方一般人係唔入得，除非你係技工維修、香港寛頻員工、場地保安及控制室入員，其餘既都唔比入。

希望呢單工程可以好順利完成啦!