今日我返工，其實我覺得好無趣味，返工都係整個toilet個門彈弓，我心諗:「波叔，我唔係唔想做，而係我對呢個彈弓門毫無認識，你叫我整，唔係唔得，我只可以講我做到完美，另外既係，我係新入行咩都唔曉，我好想跟師傅去學野，你叫我去做一個非工作範圍既項目，似乎我係做雜務多過學師!」
有時候，我覺得波叔並唔係一個好老闆，即係會咁睇，我師傅做左咁多年，都未試過咁激氣!做野，有時係會勞氣，但係係波叔呢間公司做野，佢更加唔高興!師傅講過，以前係jos(怡和集團)工作，做d咩都唔洗愁，因為公司始終係大，工作雖多，但係福利唔錯，而且公司對員工唔錯!雖然大公司有階層級別，至少老闆有人情味...
其實我唔想用我老大呀波叔去同一d大公司既阿頭去比較!而係我今日看清楚波叔既為人，講真我對佢都幾「跌眼鏡」ga!佢對人係好，不過衰寒酸lor!又冇從人既角度去諗野，可以用最粗俗既說話同大家反映出黎，佢比我感覺係用屎忽腦諗野!
點解到今日我冇離職，因為我都係比面我媽，比埋面我媽個老友春怡姨，順便比面波叔，始終呢三個人都係睇我大，如果我就咁走左去，似乎好衰仔wo!?我其實好矛盾，返呢份工，講真係唔係咁高興!想走?但係又要背負人情...
不如你地留言比d意見，比我考慮一下?
|
