而家返呢份工，對於我黎講係好多難既野，我覺得做好呢份工，簡直係好難!其實jimmy師傅係講過:「電話系統本來係一件好開心既工作，唉!只可惜公司既老大波叔唔識去做得好!」

公司出現員工打算辭職既心，我自己自問都想，講真我學野學得好辛苦!日日對住幾廿條「意粉」，自問都覺得麻煩，雖然師傅有心教，但係我自己真係悟力好低，電話同ups，兩樣野都好講計數既能力，如果大家熟我，我由細到大d數都係屎到七彩，我師傅話我數學屎，唉!你估我想既咩?

自問我真係四肢發達，頭腦簡單!讀書好唔好，識我既都有目共睹，會考3分，前途唔係冇既，不過我就做唔到寫字樓，公務員應該冇我份，所以呢我做個d可能係比較係人工少d，藍領類別!

記憶力我係好差，唉!師傅又話我成日唔記野，兄台?我記得就唔洗會考背唔到野，考試成日肥啦!

有時候，唔係我唔努力，而係我係有心冇力，講真我記得既，我可以記得好多，而且係可以紮緊根基，我唔洗怕失憶考試頭腦空白。甚至我今日讀緊大學，而唔係一個為生活打拼既少年!

生活好似好多不如意既事，唉!呢份工，我可以講既係，我好多謝阿媽個朋友介紹，不過公司運作令我好失望，而且欠缺團結性，同事無心向主，我今日仲留係到，我比面我媽，我比面我媽既老友，有時候我想放棄，但係背後一諗，波叔同佢老婆春怡姨都係我阿媽d老友，佢地亦都係由細睇我大，仲係佢地帶領我入公司做野，我覺得有壓力既係，佢地對我期望好大，亦都覺得自己做得咁差，咩都唔識，換著我係一個普通入職既人，我諗我好快就已經比波叔fire!

我自己有時都係到諗，我係GCS做緊d咩?為左錢?為左滿足阿媽同波叔波嫂既期望?為左唔洗係屋企hea?我覺得自己好似無左自我，做緊一d為左滿足身邊既環境，而遺忘左自己既感覺同需要，感覺同條死魚一樣，日日唔係做緊自己咁...