今日返工，臨食飯時間之前，我就比波叔安排左我去出差送野，去銅鑼灣同上環，都好既...成日困我係公司，個人真係會悶死，我份人就係屎忽尖，你比我周圍去，我會好開心，我比人困住哂我諗我連個籠都拆爛佢...

咁我去既兩個地方，其實我完全冇去過，不過都好既，今日就見識過一個賓賓開既網吧，咁幾有趣既!佢地都大致懂得廣東話，不過佢地呢就比較係講英文略為好，所以同佢地講野都係英文!

之後食野，講真望下個鐘都已經差不多兩點，當然係食野先，我係銅鑼灣糖街某牛什店食野，35蚊一個牛南面加冬T，我諗係咪咁堅先?食落去都OK既，都有返咁上下功力...

好啦!食飽就去繼續啦!咁我去上環一間會計行攞文件，好似個d General ledger，唉!accounting有讀，不過d野就真係洗哂腦，算啦!反正我係呢個時候都唔係一個account人...

攞齊野，就走啦!走之際，係中環站見到好多都幾靚既女仔，不過感情既野，真係唔係好想再理，講真次次拍拖都唔開心，拍唔拍都已經冇咩所謂，有心既咪黎lor，冇意思既唔緊要啦!

返到公司，hea左一輪...之後就搞下herbie幫我整既無線router!

之後我就收到一個bad news，herbie佢自己講佢被波叔炒了..唉!波叔走寶lor!herbir的確係一個好好既人材，炒佢真係唔識貨!我冇野好講，我諗下一個到我ga啦!只在於早與遲，或者我有緣冇份啦!我都想用下個保安牌，考左都冇用過，係時候有作用啦!