向來電話的工程，製作系統，控制都好麻煩，講真每日對住個堆「意粉」，係唔會覺得開胃，因為線路向來都幾煩。

咁今日我就遇到一個大牌子要學習，就係好多人都會耳熟既nec，nec除左佢係科技上都有唔錯既成就，其實nec都係電話內線系統有一大作為，不過呢nec就唔及一d好似nortel，avaya，metel呢類老牌子咁好，因為nortel通常都係好少按number，係按next、back、show之類。nec其實同panasoic一樣都係咁煩，唉!好煩!

今日對住一大堆nec的code，我覺得好無從入手，因為我d基本野都未識，波叔仲叫人學第二個牌子，我唔知點算...

我諗我真係等炒，講真咩都唔識咁，而且自己又冇咁既底子，我覺得學得好吃力，或者炒魷之後，我去做一個冇咁大技巧需求既工。

但我依然都係好喜歡學ups，因為我覺得對自己生活上有較大影響性，電既野，我覺得易上手好多，不過係唔可以出錯咁解!

或者我唔係藍領既材料，因為好多野都好講技巧，而且我係爆冷行業，分分鐘去「真相」參加呢個節目，都冇人估到我做呢行!