今日我係公司幫i cable一位維修部既人員送黎既一部powerware 9125，報稱係因為雷擊既關係，呢部UPS係壞左底板，電池冇事既。咁例行都係要開機殼check下佢，不過我就覺得我公司整撚咩?呢d野邊到有我整，底板一燒，唔係一兩粒二極管(dicode)燒左，而係整片底板「集體死亡」，底板運作電流係串聯並聯同時出現，不過唔好理點啦!一個雷擊，咁高既電壓同埋電流伏特，乜都死!另外，我師傅jimmy發現，底板曾經被人手整理過，咁即係話有可能人手整理之下，都會令部UPS死亡...咁我可以講，冇新零件更換，則必死無疑!
收左工之後，我同jimmy一齊搭車去荃灣，我嘗試一下由荃灣起步去青衣，不過比我想像中難搞，因為我由火炭去荃灣，其實基灣我係完全唔識，地方名都係識少少，所以呢我好多時都係要問sky點行!
咁我都係荃灣搭車，坐243m巴士，無意中係長安總站見到terry，真係有趣!
terry用開劍，不過把秦劍佢似乎就已經有好多零件壞左，搞到把野好多問題，例如鬆哂位，散咁滯!咁當然係要報銷!正因為咁terry今日sky既其中一把劍係經過佢自行改裝同牌子同型號!當然我今日都有用古月柳刀對住terry用sky自行研發既秦劍，不過terry打出黎似乎有d生硬，我既意思即係好機械人，好可能係唔習慣!
最開心既係jack終於係蒲頭啦!佢買入左「新寵」，一枝長木棍，少林棍樣式!不過比我expert既好輕，因為我喜歡用一d重身少少既武器!棍其實我都有玩過，不過係齊眉棍長度，當然棍係幾有趣既!不過我唔太識用...咁今日用jack打，jack學左好多外間新招，我覺得都幾有趣既，不竟佢d招都能夠做成有效傷害!
另外同sky打，都係例牌纓槍啦!今日都好無意中同佢打實戰入左佢一刀打手既。呢個簡直係奇蹟!我學左4個幾月，終於都有成功既時候!當然打三場都係輸兩場啦!因為始終sky係好易睇人既破綻!
最搞笑既係今日實驗「空手奪白刃」，terry用開劍由佢實驗攻擊者，第一次係我同terry，terry係用劍對我進行攻擊，基本上我冇反擊既機會，因為劍太長啦!就算用bas rutten 個d自衛術，都係失敗!第二個實驗者係jack，哈!秒殺!第三個係sky，呢個最好笑!因為sky係比terry砍到唔停手!
好啦!實驗第二個係「空手奪白棍」，咁好啦!jack咁多個當中係用開棍，第一次係我同jack，jack係咁出招，突然間我睇到有一下佢慢左，咁仲要係控制到既情況，當然食勢上啦!我一手捉棍，之後一拳埋jack既心口，再補多下係「上鎖」，不過鎖持棍者唔係好識，但至少就搶左大半枝棍，之後sky叫停我先至收手，估唔到「空手奪白棍」呢個concept係成立，而且成功率唔係低!
就係咁，今日就係咁過左啦!好滿足!
|
