尋日，我係接近無係公司工作，因為尋日整天都係外出!亦都係帶黎唔少既滿足感。

首先尋日係一間已經去過既麻煩友公司，即中環某律師行，亦都係我第一日開工既地方，今次整d咩呢?就係佢要整返個d busy forward，即係話當電話響，冇人聽既情況底下，要跳出另一個內線，當然呢個對我黎講係一件難事，因為呢個係關於programming，一般既user係唔會明，只有我地電話佬先至會明白!

另外呢，尋日亦都有就圍去，去埋金鐘，當然中環處理左有空餘時間可以「忙裡偷閒」，實情我同師傅都係去左行街，講真一日流流長，唔吞撲係好辛苦既事，講真出黎打工既，有食煙既當然係有得咬煙啦!冇咬煙既係咁依都整部notebook上下網，或者出nds或者出psp出黎打下機，消磨一下時間先至係上計。

由於cova係一間高級餐室，主要係食英式dersert同埋蛋糕西餅，所以呢去到呢d地方，就算冇食野，但做野都做得開心，因為難得去到呢d地方見識下，呢個係一大榮幸。講真一個香港既星斗市民，又邊有咁多閒錢去到呢d地方食個3點3?我呢d錢唔多既，比盡去個茶餐廳冬T加件西多就算，貴少少既都係去delifrance飲個咖啡。

咁尋日就安裝一個analog既wireless inhome既電話，咁都幾開心既，因為好成功既安裝，好成功既set電話頭，仲要有部份係我處理到，更係成功地完成。

不過收工都算係有點夜，都成7點半離開金鐘 The Mall(我唔知Mall係讀"麼"還是"mail"，我聽過兩種讀法)，不過都好開心，有機會係自己老本行飲食行業都見識到電話系統，自己做過飲食業，有機會係呢d環境做返，真係好有親切感!有機會我都想同女友係個幾有feel既cova 嘆一個3點3...