今日好多學生都應該會係經歷完統測，好快就已經有得玩!
咁今日我老友steven個細佬臭軒就本來搵我去GBD Band房玩，但係正想book房既時候，老闆話4點先至有，真係可惜啦!之後臭軒就提出一個好好既建議，就係去行山。
其實我真係好耐冇行過山，講真工作忙碌，返工時間又長，而且星期六可能連半日假都冇埋，唉!咁玩屎忽咩?
以前中學同miss chu一齊帶隊講真真係幾開心，同時自己都有唔少弟子係我同一班長老有份train既，而家畢左業就真係好耐都冇行，講真又唔係成日有伴，行山想玩長線既最好都要有幾個係身邊先至安全。
咁今日難得臭軒想行，咁我又冇咩做，咪成全大家既心願，我覺得係幾好ga!講真比個人活動下又唔洗對屋企幾道牆，直係悶死人!
亦都係啦!我同臭軒係去左行北大刀刃，其實呢座山對我黎講已經係已熟能詳，基本上都係好快上手!不過需要既體能都好多，因為有好多樓梯，而且唔係簡單行既野，所以我覺得初學者其實係唔應該挑戰，因為論險要，佢係北區最危險既山，講難度亦都係最高!但最高唔係北大刀刃!
今次我同臭軒玩得好累，因為天氣都仲係幾熱，而且我覺得一時之間叫我行咁既難道，其實好難適應，不過最後都挨過左。
最後我同臭軒由和合石離開，我終於行哂整個和合石!
|
