有時候我覺得香港學校太悶啦!好多時都係獨立學習，而且固定fix死乖乖地聽書既原因，我覺得好悶。

換著我既教學係會用多d團體組織，分組學習，有自己既選擇，假設一班40人，你既位置可能係: 1.大型團體成員(限制6-8人一組)、2,小型團體成員(限制4-5人一組)、兩人組別及個體戶。

開始既時候，一般既同學會覺得最重要就係埋堆，一班40人，即係話有假設好平均有哂隊伍，有5隊!相信開始既時間冇咩戰爭內亂，咁當然每隊有個組長或者架構化既，例如團長、兩個副手、發言代表、書記、行動成員、採納員、軍師之類。

咁經過一輪內部既控制，分派崗位，可能會發生一d分莊唔好，個團長唔冇料既，可以選擇離隊，再組織個體戶、兩人組別或者另一隊進行收購新成員，甚至傾唔掂數要解散都可以，好似球隊換人咁。當然換入同換出，及解散有時段控制，而且要有規則係一班至少有一個大型團體，一個小型團體，3 pair 兩人組別，其餘都個體戶。

當然求學亦是求分數，團體合作良好、少分歧、友善態度、積極、分崗清楚同樣有加分!團體愈大，表現愈好，可以以人頭倍數加分成正比，當然百分比每人個percent會薄d，即係話個體戶唔係永遠最蝕底，即一份功課，團體得80/100分，由表現有嘉許，團體可加8%，團中8人，每人得1個%=88分/每人，但係如果有個體戶同樣得分80/100，同樣係得8個%，但1人獨食，可以得到144分

亦都係團隊內有公開問責制，例如可以讚賞，可以指責，當然是唔可以互相包庇，篤人合理理由既加分，被篤又斷正既送分篤你既人，投訴王(瘋狂投訴以他人不能發言)自動(以句計)減分，唔發別按時段自動減分，即場比外人踢爆內幕有團體互相包庇踢爆者加分，引起罵戰fail，有份罵戰互罵兩者或多人參與者fail，懂得控制場面加分，缺席、遲到、睡覺、爆粗、抽煙、飲酒、嬉戲、賭博、傾電話、早退者、打架一律fail，病患、有要事且有合理解釋可以獲取括免，但會自動失去基本分數參與分。

個人組別就自彈自唱，都係公開問責，同以上加分條件相似...

返學衣著冇要求，但係唔可以有色情成分啦當然!自由返學時間，不過要有出席率!以時間計，唔夠否則即fail，返多都fail，學校不是你的家。

如果真係有，好!