細細個既時候，父母帶你出街，你總會覺得非常高興，而快樂既理由係因為有得出街，你好開心!相信好多人都係咁!但大個左既時候，人既思維轉為成熟，亦出現選擇性理念同埋有獨立自主個體既思維，你可能覺得同屋企人去街，車!同你去街有咩好去?

有時候，父母可能會係平日既時候，要求一同你外出，通常父母一同外出大多數都係睇自己既心頭好，好似阿爸會睇佢既心頭好例如車、樓，或者佢既心頭好，阿媽睇衫、鞋、褲之類...假使你在被迫性下一同外出，你既感受係點?我相信係:「早知我唔出啦!比你地兩條友仔賣豬仔。」

其實有時候咁大個人，我覺得認該係獨立處事，有自主既權力，下下被人扯線，點解唔趁早搶返個發球權?呢點我我覺得好重要，因為事關人冇自主權，同家中既寵物貓貓狗狗又有咩分別?貓狗冇咩主權，因為被人養，受人類控制，所以冇咩權利!相反野貓野狗係獨立自主，所以佢地獨立生活，唔受控制。

人本身就應該同野貓野狗既生活，唔應受到控制!適當既時候，係可以選擇出定唔出!

可以選擇唔出: 平日去街、陪同買野、介紹d父母既朋友比你識、你覺得或認為父母無聊既玩意或者你認為唔適合自己既活動。

無計都要出: 人家派帖(即合府統請)比面派對局住出、過時過節(除非家人與親戚反目)、出殯送葬(對先人尊重)(除非父母冇指明要你出席)、家人生日及一些重要緊急事項。

至於點樣推?都係運用借口，或者一d理由去推辭，呢d野隨機應變啦!

其實父母出街都係一件好事，不過佢地出街之前，問清楚佢地既去向，了解佢地既情況。講真佢地去街其實亦都做就左好多機會，例如約朋友三五之已一齊係你屋企，男女朋友當然係單對單共處一室，談個心都方便好多，又或者可以keep住留係屋企，嘗試下一個清靜環境，有d人既父母係到呱呱嘈既，我覺得係好難頂!

甚至你可以做你喜歡既事，佢地出街，你另尋活動!