自九月後，武術既練習係深化左，亦都係比以前難度高左好多，亦出現一個流失現象，我可以咁講叫做「成員稀有化」，第一個流失既係旦丁，旦丁係無法罷脫家人既困綁，加上缺乏練習，平日有時間都唔練，有學冇練都係同零分別不大。第二個係我細佬，作為佢阿哥，居然帶出一個懶惰既細佬，有時間同樣唔練，埋頭苦幹唔係功課，係打機、女友...有約就出街，冇去街就繼續家中自閉打機，叫佢練又唔練，就成日攞相機「開火」...

其實現時黎講，隊員其實本來包括: terry、阿聰、旦丁、細佬、我以及班主sky，之後再有係阿jack，不過因為言行舉止上有d得寸進尺，所以隊中一直都冇人會邀請佢黎!包括terry係佢朋友都係咁...而家既情況就係得返我、阿聰、terry同埋sky，唉!自己係最早黎到，不過呢望見識得既人留得唔長時間，我會覺得係一件好可惜既事，因為唔可以原班人馬整整齊齊咁一齊共同進退!

咁今日我同terry，過程都係開心既，因為見到terry佢有進步，有積極...(終於都生性了!)

亦都係今日玩得最激既係，照平常練習動作不過就嚴格執行錯誤動作，要重新再做過!當然你問我動作係咩我唔可以答，始終呢個都係私隱原則，呢方面係唔會對外公開。

咁我同terry當中都有錯，不過就真係好既，至少錯誤既機會率相對係平日無執行既情況，明顯有改善!可能係值得考慮既元素!或者嚴厲執行既錯誤動作重做計劃，可以帶黎一個效果更完美既成果，我相信係值得一試!

亦都係啦!今日既跑步，我係比平時預期係快左!不過呢，我都好想快d再收少個時間，不過我知道係一定既難道，因為收細範圍，我當時係長跑隊都係花一段時間先至做到，而家得個半月，困難係大增!以前係跑5L、5L加梯、3L加梯加掌上壓同situp、環雙校8字圈、環雙校圈(呢個係我以前中學個d代號，L係外校虛疑圈單位)，呢D都係經歷左一段長時間先做到，而家叫我一時間再咁跑，我未必跑得到，但時間唔會過份強差人意。

而家係個人爆炸力，自問短跑真係嘛嘛!長跑就好好多，因為長跑我覺得較易掌握個速率、耐力、氣力同埋意志。有時間去分配，有時間去tune，計劃唔需要多，但係要有策略性去跑!不過所有運動員一樣都係維持最困難...

聽日細佬家長日，屋企派我出去做代表，唉!練習時間少左...希望趕得必啦!不過通常呢d一見，就算單對單都好，我諗既就係，我細佬個d蘇周屎都應該唔少，所以我諗都唔係短期內完成。