今日香港既年青人，10居其9都曉電腦，仲有既係10居其9都係識中文及英文既電腦輸入法，更厲害既係，不論你用甚麼語言，中文定英文都一定知咩叫做windows live messenger。

資訊科技可以改變一個年青人，但改變唔到老一輩既阿爸阿媽級，亦都係啦!大部分呢個年紀既人都係唔識中文輸入法，英文或者勉強可以。另外，呢一代既人，總係抱住電腦「用完咪熄左佢lor」呢個心態。但我可以咁講，危機就係呢到出現!

熄機其實對呢阿爸阿媽有好多種處理手法:

1. 關顧安全熄法: 即按「開始」再接「電腦關機」再按「關機」，呢個雖然係最安全既熄法，但係一旦有電腦上既資料傳送或者有未存放好的文件，有可能頓時「前功盡廢」，呢個係最激死你既手法，電腦唔死機，但又係曉熄機...

2. 好開心地關大制: 其實有幾個做法既....

        2.1 電腦power cable連接拖板熄電制，死機機會率係45%，假若電腦處於有大量檔案正在處理，死機機會率相當高。

        2.2 熄整個拖板電制: 死機會率係60%，因為拖板一熄，整個電路都會關閉，而且假設你的拖板同時間接上monitor、speaker/hifi之類的hardware...咁一熄，咪會令整台電腦及其他硬體同時間關閉，一旦出現老化，等於整體性死亡。

        2.3 如電腦主機上powercable上有breaker位，熄果個位死機率係60%，breaker咁樣熄，有可能會整死火牛，火牛有問題會發生漏電，甚至有小火!危險度都有返咁上下。

        2.4 扯甩powercable無電到，死機率係70%，第一係有可能扯爛線(漏電)，第二電腦內部會死得好快(搶電)，第三扯爆port位都係死，呢3點其中一點出現，有可能致命!

亦見過有家長喝令子女熄電腦不果，用液體潑向子女，或利用硬物擲出...呢個係相當危險，硬物爆CRT monitor，會爆炸!水向電腦，同樣係會爆炸。冇人傷亡就假既，又要驚爆，又要驚比你打，好無陰公姐...

電腦如果係非CRT monitor，有足夠散熱空間，其實係絕對可以唔熄機幾年。好簡單公司既電腦甚少關閉，而且公司既電腦都要希望盡量開啟，而盡量達到有足夠既防衛偷竊者既入侵，甚至令對手無從招架。

而server係根本唔可以熄，熄server都要維修時先可以，server要24小時運作，包括出入閘紀錄、公司電腦資料、防火牆及各電腦的時段性封鎖。所以提示你的家人，有server千萬不關!