今日我係0800收工後，我返左屋企訓，咁訓個時當然係好爽啦!但起身1400幾個時就真係辛苦啦!因為成晚冇訓，咁樣起身就真係好累!

之後處理下d日常細節，洗下面食下野咁，之後我就過左去青衣搵sky!

咁今日sky就收到蛇頭槍頭及尾頂，當然就手工非常好啦!亦都係覺得有好好既手工既制作，真係好榮幸可以睇到精細完美既細節!

之後sky就進行接合工作，我同聰同埋terry上山練，開頭練個感覺都唔錯，但係愈練愈唔對路，個時六點!之後就覺得點解有d腳步聲?我地幾個都已經覺得好驚啦!因為我地知道呢座山係有非法入境者或者叫山賊存在，所以見此情況，我地都係離開...

腳步聲係兩種，第一種係狗，狗係樹林入面既腳步聲係好雜亂，因為狗既腳有4隻，而且做出既聲係沙沙聲...不過如果係人類所行既，係有bit既，即係沙...沙....沙....沙，不論節奏有冇改變，但係你係會聽到好完整一下一下既聲，經過推論，極有可能係人存在，而且愈行愈近既關係，所以極有可能係山賊伏擊...

之後快步落山，我同聰同terry都係好安全落返黎!

咁今晚係sky既比賽前一晚，我同terry同埋sky一齊係長發個邊打邊爐，都幾開心啦!